Worldlink ads

लेउवा संघ अधिवेशन : सदस्यमा नयाँ अनुहार बढी

Avatar आदर्श समाज सम्वाददाता
श्रावण २४, २०७६
lcc_Fotor

लेखनाथ उद्योग बाणिज्य संघको १२ औं अधिवेशनका लागि आवश्यक ८ खुला सदस्य र २ महिला सदस्यका लागि झण्डै २ दर्जन बढीले उम्मेदवार दिने ईच्छा जाहेर गरेका छन्।

खुलातर्फ पुराना अनुहारभन्दा नयाँ व्यवसायी चुनावी मैदानमा आउने ईच्छा जाहेर गरेका छन्। सोसँगै उनीहरु प्रचारप्रसारमा जुटेका छन्। केही व्यवसायी प्यानलको पक्षमा त कोही स्वतन्त्र रुपमै भए पनि चुनावी मैदानमा आउने भएका हुन्।

संघको निर्वाचनका लागि सदस्य पदमा भरत ओझा, शिवप्रसाद भण्डारी, शैलेन्द्रमोहन भट्टराई, धीरजकुमार श्रेष्ठ, रामजी पौडेल, मेनुका श्रेष्ठ, सन्ध्या दाहाल, भीमबहादुर नेपाली काइला, बुद्धिप्रसाद बास्तोला, अशोक बराल, एलपी ढुंगाना, रामबहादुर रानाभाट, दीपकज्योति ढुंगाना, ध्रुवबाबु भट्टराई, जीवन तिवारी, ज्ञानेन्द्र गोल्ड बजगाई, सन्दीप पौडेल, ईन्दिरा रोक्का, खेमराज बराल, पदमराज पौडेल, रमेश आचार्य, महेश्वर आचार्य, रमेश रानाभाट, सुरेन्द्र त्रिपाठी, सूर्य बञ्जरा, राधाकृष्ण अधिकारी र विन्दु बरालले उम्मेदवारी दिने बताएका छन्।

त्यसमध्ये ८ जना पुरानै अनुहार हुन् भने १९ जना नयाँ छन्। त्यस्तै, अझै कति जना पर्ख र हेरको अवस्थामा रहेकाले उम्मेदवारी दिने संख्या बढ्ने अनुमान छ।

चुनावका लागि हालका वरिष्ठ उपाध्यक्ष बलराम ढकाल र महासचिव भरतकुमार अधिकारीले आगामी नेतृत्वको लागि उम्मेदवारी दिने घोषणा यसअघि नै गरिसकेका छन्।

समावेशी र संस्थापन पक्षका रुपमा रहेका ढकाल पक्षले आफ्नो प्यानल नै घोषणा गरिसकेको छ। जसमा छत्रधर आत्रेय वरिष्ठ उपाध्याक्षमा, विनोद श्रेष्ठ प्रथम उपाध्यक्षमा, राजेन्द्र ओझा द्वितीय उपाध्यक्षमा, गोपिचन्द्र बास्तोला महासचिवमा, उपेन्द्रराज सुवेदी राजु उपमहासचिवमा र जानुका पराजुली कोषाध्यक्ष पदमा रहने गरी टिम तयार छ।

उता, संस्थापन पक्षसँगको बेमलबाट विद्रोह गरी अध्यक्षमा उम्मेदवारी दिन लागेका भरतकुमार अधिकारीले आइतवारसम्ममा जुझारु टिम घोषणा गरि चुनावी जित्ने गरी मैदान आउने बताएका छन्। सो समूहमा हालसम्म ऋषिराम जमरकट्टेलले महासचिवमा उम्मेदवारी दिने घोषणा गरिसको छन्। उनी यसअघिको चुनावमा अधिकारीसँगै महासचिवमा पराजित भएका थिए।

संस्थागत सदस्यतर्फ हार्डवयर व्यवसायी सुदीप गुरुङ माईलाले स्वतन्त्र रुपमा उम्मेदवारी दिने घोषणा गरेका छन् भने एक जना एशोसिएट सदस्यतर्फ संस्थापनबाट विक्रम कर्माचार्यको उम्मेदवारी रहने भएको छ।

भदौ २० र २१ मा हुने संघको अधिवेशनमा १ हजार ३ सय १० जना मतदाता (साधारण सदस्य) छन्।

Related News

सम्बन्धित समाचार

    • गाउँमै रोजगारी : परिवारमा खुशीयाली

      rss रासस माघ ११, २०७७
      बलेवा । बरेङ गाउँपालिका–२ हुग्दीशिरकी कमला शर्मा बिहान १०ः०० नबज्दै कुटो कोदालो समातेर काममा निस्कनुहुन्छ । एक महिनादेखि उहाँको काम…
    • आँखा, हात, खुट्टा, नङको सौन्दर्य निखार्न सिजी ब्रोज एन्ड नेल्स

      Avatar आदर्श समाज सम्वाददाता माघ ११, २०७७
      पोखरा। गुरुङ ब्युटी पार्लर एण्ड एकेडेमी प्रालिले महेन्द्रपुलमा थप शाखा बिस्तार गर्ने भएको छ । कम्पनी सञ्चालक महिलाउद्यमी चिनु गुरुङले…
    • विकास खर्च तीन वर्षयताकै कम

      Avatar आदर्श समाज सम्वाददाता माघ ११, २०७७
      काठमाडौं ।  चालू आर्थिक वर्षको साउनदेखि मंसिरसम्म विकास खर्च पछिल्लो तीन वर्षयताकै कम भएको छ। चालू आवको पहिलो पाँच महिनामा…
    • पोउवा संघ टोलीलाई औद्यागिक क्षेत्रमा स्वागत

      Avatar आदर्श समाज सम्वाददाता माघ ८, २०७७
      पोखरा । पोखराको औद्योगिक विकासमा निजी क्षेत्रको समान धारणा हुनुपर्नेमा एक कार्यक्रमका वक्ताहरुले सहमति जनाएका छन् । पोखरा उद्योग वाणिज्य…
    • कृषि विकास बैंकको वार्षिकोत्सव

      Avatar आदर्श समाज सम्वाददाता माघ ७, २०७७
      पोखरा । कृषि विकास बैंकको ५४ औं वार्षिकोत्सव अवसरमा बैंकको गण्डकी प्रदेश कार्यालय पोखराले नयाँबजारमा वार्षिकोत्सव समारोह आयोजना गरेको छ ।…

    hero news full width

    sanil ads

    wordlink ads