फिफा विश्वकप छनोट : दोस्रो चरणमा ३१ खेलाडी

आदर्श समाज सम्वाददाता
श्रावण २२, २०७६
FIFA, World Cup, Nepali National Team_Fotor

फिफा विश्वकपको दोस्रो चरणको छनोटमा रहेको नेपाली फुटबल टोलीका ३१ खेलाडी छनोटमा परेका छन्। प्रशिक्षक योहान कालिनले पहिलो चरणमा ३६ खेलाडी प्रशिक्षणमा बोलाएकोमा ५ खेलाडीलाई हटाएका छन्।

जसमा कमल श्रेष्ठ, नितिन थापा, सेसेहाङ आमदाङगोइ, अमित तामाङ र मिक्चेन तामाङ छन्। कमल श्रेष्ठ बाहेक अरु चार खेलाडीलाई आसन्न दक्षिण एशियाली खेलकुद सागको तयारीमा रहेको यू–२३ टिममा राखिने भएको छ।

विश्वकप छनोटमा नेपाल समूह ‘बी’ मा रहेको छ। नेपालको समूहमा अष्ट्रेलिया, जोर्डन, कुवेत र चाइनिज ताइपे रहेका छन्। दोस्रो चरणको छनोट खेल आगामी भदौ १९ गतेदेखि शुरु हुनेछ।

नेपालले आफ्नो पहिलो खेल कुवेतसँग खेल्नेछ। नेपालले भदौ १९ गते कुवेतसँग घरेलु मैदानमा खेल्ने तय भएको थियो। यद्यपि दशरथ रंगशालाको पुनःनिर्माण कार्य नसकिँदा कुवेतमा नै गएर खेल्ने पक्का भएको हो। नेपालले कुवेतसँग होम एण्ड अवे दुवै खेल कुवेतमा नै खेल्नेछ।

नेपालले सेप्टेम्बर १० मा चाइनिज ताइपेई र अक्टोबर १५ मा जोर्डनसँग घरेलु मैदानमा खेल्ने तालिका थियो। तर, अब उक्त दुवै खेल नेपालले पहिले उसैको मैदानमा खेल्नेछ।

चाइनीज ताइपेईसँग तय भएको सन् २०२० को मार्च २६ को अवे र जोर्डनसँग सन् २०२० को जुन ४ मा तय भएको अवे खेल नेपालमा हुनेछ। त्यसबाहेक नेपालले अष्ट्रेलियासँग अक्टोबर १० मा अवे खेल खेल्नेछ। यस्तै, नेपालले अष्ट्रेलियासँग २०२० को मार्च ३१ मा घरेलु मैदानमा खेल्नेछ। दोस्रो चरणको छनोटमा गोलरक्षक किरणकुमार लिम्बु, एलन न्यौपाने, विकेश कुथु र विशाल श्रेष्ठ छन्। डिफेन्डरमा विराज महर्जन, सरोज दाहाल, रन्जित धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, रवि सिलवाल, दिनेश राजवंशी, बिमल पाण्डे छन्।

त्यस्तै, मिडफिल्डरमा सुनिल बल, रवि पासवान, सुजल श्रेष्ठ, विशाल राई, रोहित चन्द, विक्रम लामा, सन्तोष तामाङ, तेज तामाङ, त्रिदेव गुरुङ, हेमन गुरुङ सुभाष गुरुङ छन्। त्यस्तै, स्ट्राइकरमा विमल घर्तीमगर, विमल राना, नवयुग श्रेष्ठ, अभिषेक रिजाल, अन्जन विष्ट र भरत खवास छन्।

Related News

सम्बन्धित समाचार

    • हङकङ नेपाली गाइजको सहयोग

      आदर्श समाज सम्वाददाता श्रावण १५, २०७८
      पोखरा । १५ औं पोखरा अन्तर्राष्ट्रिय म्याराथनलाई प्रवासबाट सहयोग प्राप्त भएको छ । नेपाल भूतपूर्व खेलाडी मञ्चको आयोजनामा गत वैशाखमा सो…
    • सकिनै आँट्यो पोखरा रंगशाला

      धनबहादुर गुरुङ श्रावण १०, २०७८
      पोखरा । पोखरा रंगशाला निर्माण ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो…
    • पोखरा रंगशाला प्रशिक्षणका लागि खुला

      आदर्श समाज सम्वाददाता श्रावण १, २०७८
      पोखरा  । पोखरा रंगशालामा शुक्रबारदेखि आंशिक रुपमा खेलकुदका गतिविधि हुने भएका छन् । कोरोना महामारीका कारण ३ महिनादेखि स्थगित खेल गतिविधि…
    • ब्राजिल कोपा अमेरिकाको फाइनमा

      आदर्श समाज सम्वाददाता असार २२, २०७८
      पोखरा । साविक विजेता ब्राजिल कोपा अमेरिकाको फाइनलमा प्रवेश गरेको छ । आयोजक राष्ट्र ब्राजिलले पेरुलाई १–० ले पराजित गर्दै…
    • खेलपर्यटनलाई संस्थागत जरुरी : मुख्यमन्त्री

      आदर्श समाज सम्वाददाता असार १९, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले पोखराको पर्यटनसँग खेलकुद जोडिएको उल्लेख गर्दै यसलाई संस्थागत गर्दै लैजानु जरुरी रहेको…

    hero news full width

    Gandaki University

    sanil ads

    wordlink ads