लायन्स पोखरा लामाचौरको एकै वर्षमा सचिवालय

Avatar एजेन्सी
श्रावण २२, २०७६

लायन्स क्लब अफ पोखरा लामाचौरले स्थापनाको एक वर्षमै सचिवालय स्थापना गर्न सफल भएको छ। सचिवालयको उद्घाटन गर्दै लायन्स पीडीजी ध्रुव थापाले लायन्स क्लबहरुमा उत्कृष्ट व्यवस्थापनका रुपमा लामाचौरले उदाहरण प्रस्तुत गरेको बताए। उनले आफ्नो २० वर्षिय लायन्स अनुभवमा एक वर्षमा व्यवस्थित सचिवालय स्थापना गर्न लायन्स पोखरा लामौचार सफल भएकोमा बधाई ज्ञापन गरे। उनले भने, ‘क्लबको काम गर्व गर्नलायक छ। ’

डिष्ट्रिक्ट एडभाईजर क्लब गाइडिङ तीर्थलाल श्रेष्ठले ४२ वटा क्लबमा उत्कृष्ट भएको बताए। उनले अनलाइनमा क्लबहरुले गरेका गतिविधिबारे गरिएको निरीक्षण आधारमा लामाचौर उत्कृष्ट क्लब बन्न सफल भएको बताए।

डिष्ट्रिक्ट डिपार्टमेन्ट चिफ मिलन थापाले आफ्नो १५ वर्षीय लायन्स अनुभवमा कार्यालय स्थापना गर्न नसके पनि लामाचौरले आफ्नै सचिवालय स्थापना गरेको भन्दै खुसी व्यक्त गरिन्।

क्लब अध्यक्ष सञ्जय लामाले आगामी दिनमा सामाजिक कार्यमा सधैँ क्रियाशील रहने बताए। कार्यक्रममा अध्यक्ष सञ्जय लामालाई प्रमुख अतिथि थापाले टाइटलपीन हस्तान्तरण गरेका थिए। यसैबीच, क्लबले शारीरिकरुपमा अपाङ्गता पोखरा पुरानोधाराका ३५ वर्षीय संसाराम सार्की, मझेरीपाटन ७१ वर्षीय भीमबहादुर गुरुङ र स्याङ्जा चापाकोट ७ का ३३ वर्षीय नारायणप्रसाद ढकाललाई ह्वीचियर प्रदान गरिएको लायन्स क्लब अफ पोखरा लामाचौरका संस्थापक अध्यक्ष सञ्जय लामाले जानकारी दिए।

कार्यक्रममा सचिवालय उद्घाटनमा सहयोग पुर्याउने द्वितीय उपाध्यक्ष प्रेम विक, तृतीय उपाध्यक्ष सृजना रिजाल कार्की र टेमर लक्ष्मी तामाङलाई सम्मान गरिएको थियो।

लायन्स पोखरा लामाचौरका अध्यक्ष सञ्जय लामाको अध्यक्षतामा भएको थियो भने स्वागत मन्तब्य प्रथम उपाध्यक्ष ज्ञानु पाख्रिन र सञ्चालन सचिव तिलुमाया खवासले गरेकी थिइन्।

तपाइको विचार व्यक्त गर्नुहोस्

हाम्रो सुझाव

हातेमालो नागढुंगा आमा समूहको शिविर

फोहोर छुट्याउने बाल्टिन वितरण

ट्रेड मलमा दशैँ तिहार उत्सव

नेपाल मालिका परोपकारको अध्यक्षमा पुन

सिँचाई प्रणालीको साधारणसभा

प्रमुख समाचार

विधिको शासन नचल्दा राष्ट्र नै समाप्त हुन्छ- प्रदेश प्रमुख

थप प्रमुख समाचार

संविधान दिवसमा प्रदेश प्रमुखको शुभकामना

भलिवलमा कर्मचारीको समूह विजयी

गण्डकी प्रदेश पर्यटन प्रवद्र्धन अभियान

डेंगु नियन्त्रण गर्न माग