कालिगण्डकी–तिनाउ डाइभर्सन भएरै छाड्छ–महासचिव पौडेल

Avatar आदर्श समाज सम्वाददाता
श्रावण २१, २०७६

बुटवल २१ साउन । नेकपा महासचिव विष्णु पौडेलले कालिगण्डकी–तिनाउ डाइभर्सन निर्माणका लागि गण्डकी प्रदेशका मुख्यमन्त्रीलाई मनाउने जिम्मा आफूलेलिने बताएका छन् । उनले सरकारले जिम्मा दिए त्यसको डिल आफैले गर्ने जिकर गरे ।

कालिगण्डकी –तिनाउ डाइभर्सनको विरोध गर्दै आएका गण्डकी प्रदेशका मुख्यमन्त्री पृथ्वीसुब्बा गुरुङ र पाल्पा तथा स्याङजाका स्थानीयबासीलाई मनाउने जिम्मा आफूले लिने पौडेलले दावी गरे ।

बुटवलमा मंगलबार आयोजित कार्यक्रममा बोल्दै पौडेलले भने, ‘गण्डकी प्रदेशका मुख्यमन्त्री र तल्लो तटीय क्षेत्रका बासिन्दाले डाइभर्सन हुन दिन्नौंं भनेको मैले पनि सुनेको छु । तर उहाँहरुलाई कसरी कन्भिन्स गर्ने भन्ने जिम्मा मेरो भयो ।’ उनले थपे, ‘उहाँहरुको चिन्ता तल्लो तटीय क्षेत्रहरुमा पानीको मात्रा नघटोस् भन्ने हो, त्यसको विकल्पमा हामी दिन्छौं र डाइभर्सन गराएरै छाड्छौं ।’यो वर्षको अन्त्यसम्म कालिगण्डकी– तिनाउ डाइभर्सनको डीपीआर तयार हुने भन्दै महासचिव पौडेलले ३० किलोमिटर सुरुङ खन्नुपर्ने भएकाले निर्माण हुन भने समय लाग्ने बताए ।

आफ्नो चुनावी मुद्दा समेत भएकोले पौडेलले रुपन्देही आउँदा कालिगण्डकी–तिनाउ डाइभर्सनका बारेमा धरणा राख्दै आएका छन् । उनले पैसा र समय केहीवढी लाग्ने भएपनि यसको विकल्प अर्को नभएको दावी गरे । उनले सरकारले डिपिआर तयार भएपछि त्यसका वारेमा योजनावद्व ढंगले काम अघि बढाउने विश्वास व्यक्त गरे ।

तपाइको विचार व्यक्त गर्नुहोस्

हाम्रो सुझाव

आरक्षण बचाउन आन्दोलन

शिक्षक महासंघ म्याग्दीको अध्यक्षमा सुवेदी

प्रमुख समाचार

लेकसाइडमा पूरै अप्रेसन गर्न आईजी खनालको निर्देशन

थप प्रमुख समाचार

भतिजीलाई वलत्कार गर्ने पक्राउ

बसको ठक्करबाट साइकल यात्रीको मृत्यु

खुत्रुकेको पैसा आश्रममा

बिश्व फोटोग्राफी दिवस प्रभातफेरी