Worldlink ads

फिल्म ‘मारुनी’ को ट्रेलर रिलिज

Avatar एजेन्सी
श्रावण २१, २०७६
maruni team(1)

किाठमाण्डौ, २१ साउन । पारिवारिक फिल्म बनाउन सिपालु मानिने निर्देशक नवल नेपाल निर्देशित छैटौं फिल्म ‘मारुनी’ को अफिसियल ट्रेलर सार्वजनिक भएको छ । त्रिकोणात्मक प्रेमकथा वाचन गर्ने फिल्मको ट्रेलर कलरफुल छ । अभिनेत्री साम्राज्ञी आरएल शाहले अभिनेता पुष्प खड्कालाई पागल जसरी एकोहोरो प्रेम गरिरहेकी छिन् । तर, पुष्प अर्की अभिनेत्री रेविका गुरुङको प्रेममा छन् ।

निर्देशक नेपालले ट्रेलरमार्फत फिल्मको मूल द्वन्द्वलाई प्रस्ट्याउन खोजेका छन् । पारिवारिक फिल्म रुचाउने दर्शकलाई ‘मारुनी’ ले हलसम्म डोर्याउन सक्ने ल्याकत ट्रेलरमा देखिन्छ । फिल्ममा साम्राज्ञी र पुष्प पावरफुल भूमिकामा रहेको ट्रेलर हेरेपछि अनुमान लगाउन सकिन्छ । अर्की अभिनेत्री रेविकालाई ट्रेलरमा राम्रो स्क्रिन स्पेश मिले पनि संवाद राखिएको छैन ।

भाद्र १३ गतेबाट प्रदर्शनमा आउन लागेको फिल्मलाई पुनम गौतमले निर्माण गरेकी हुन् । यसअघि उनले फिल्म ‘अझै पनि’ निर्माण गरेकी थिइन् । तर, यो फिल्म चलेन । ‘मारुनी’ ले आफूलाई बचाउनेमा उनी विश्वस्त छिन् । उनी यो फिल्म सफल भए सिक्वेल, असफल भए फिल्म निर्माण नै नगर्ने मनस्थितिमा छिन् । फिल्म हिट भए सिक्वेलमा उनले आफ्नै छोरीलाई डेब्यू गराउँदैछिन् ।

ट्रेलर रिलिज कार्यक्रममा अभिनेत्री साम्राज्ञीले फिल्म गर्नु अगाडि आफू धेरै डराएको बताइन् । उनी भन्छिन् ‘स्क्रिप्ट सुनेपछि फिल्म छाड्नु हुँदैन भन्ने लागेको थियो । तर, त्यो क्यारेक्टरलाई न्याय गर्न सक्छु भन्नेमा म कन्फिडेन्ट थिइनँ । सबैले हौसला दिएपछि फिल्म गरेँ ।’ फिल्ममा आफूले निकै चुनौतीपूर्ण भूमिका निर्वाहा गरेको उनी बताउँछिन् । अभिनेता पुष्पले ‘मारुनी’ माथि आफ्नो ठूलो आशा र भरोसा रहेको बताए ।

फिल्ममा सह(निर्मातामा राजा प्रधान, दर्शन केसी र मिना क्षेत्री छन् । गोविन्द फुँँयाल र निर्देशक नेपालले फिल्मको कथा लेखेका हुन् । फिल्मलाई संजय लामाले खिचेका हुन् । फिल्ममा शुशील क्षेत्री, अर्जुन श्रेष्ठ, विनोद भट्टराई, शंखर सेढाइलगायतका कलाकारहरुको पनि अभिनय रहेको छ । मित्र डि।गुरुङ फिल्मका सम्पादक हुन् । अभिनेत्री रेविका आफूलाई पहिलो पटक स्क्रिनमा देख्न पाउँदा भावुक भएकी थिइन् ।

Related News

सम्बन्धित समाचार

    • घरपरिवारबाटै अपहेलित छन् बहिरा

      धनबहादुर गुरुङ धनबहादुर गुरुङ माघ १५, २०७७
      पोखरा । स्याङ्जा चापाकोटका कुलप्रसाद भट्टराई सुन्न सक्थे र बढी नै बोलक्कड थिए । तर, उनी ११ वर्षमा नराम्रोसँग बिरामी परे…
    • चालक र सहचालकलाई प्रशिक्षण

      Avatar आदर्श समाज सम्वाददाता माघ १४, २०७७
      पोखरा। गण्डकी प्रदेश ट्राफिक प्रहरी कार्यालयको आयोजनामा पोखरामा बुधबार सवारी चालक÷सहचालक प्रशिक्षण कार्यक्रम भएको छ । गण्डकी प्रदेश आन्तरिक मामिला…
    • नेपाल बार एसाेसिएसनको १५ औं सम्मेलन पोखरामा

      Avatar आदर्श समाज सम्वाददाता माघ १४, २०७७
      पोखरा । कानुन व्यवसायीहरुको छाता संगठन नेपाल बार एसोसिएसनको १५ औं राष्ट्रिय सम्मेलन पोखरामा हुने भएको छ । आगामी २०७८…
    • घान्द्रुकमा ‘शिरसुबा’ प्रदर्शन

      Avatar आदर्श समाज सम्वाददाता माघ १४, २०७७
      हेमजा । ब्रेज मेश्रो फिल्म प्रोडक्शनले निर्माण गरेको गुरुङ भाषाको चलचित्र ‘शिरसुबा’ घान्द्रुकमा प्रदर्शन गरिएको छ । चलचित्र गुरुङ समुदायको संस्कार–संस्कृतिमा…
    • कृषिमा विदेशी लगानी भित्र्याउने निर्णय फिर्ता लिन आग्रह

      rss रासस माघ १४, २०७७
      काठमाडाैं । कृषिलाई व्यापारीकरण नगरी व्यवस्थित र मर्यादित बनाउन माग गरिएको छ । सरकारले हालै कृषिमा विदेशी लगानी भित्र्याउन गरेको निर्णयले…

    hero news full width

    sanil ads

    wordlink ads