जीएमसीमा उपचारमा नयाँ प्रविधि

आदर्श समाज सम्वाददाता
श्रावण २१, २०७६
gmc_Fotor

पोखराको नयाँबजारस्थित गण्डकी मेडिकल कलेज (जिएमसी) मा नाक, कान, घाँटी रोग उपचारमा नयाँ प्रविधि ‘कोब्लेसन टेक्निक्स्’ भित्रिएको छ। सो प्रविधि प्रयोग गरी अस्पतालमा सोमवार एक बिरामीको अप्रेसन सहित ‘लाइभ वर्कशप’ समेत सम्पन्न भयो।

पोखरामै पहिलो पटक भित्रिएको सो प्रविधि प्रयोगबाट उपचारमा निकै सहजता मिल्ने कलेजका प्रिन्सिपल डा रवीन्द्रप्रसाद श्रेष्ठले बताए। यसखालको प्रविधि यसअघि भारतको गंगाराम हस्पिटलको समन्वयमा काठमाडौंस्थित मेडिसिटी अस्पतालमा भित्रिएको थियो।

दूरबिनको सहयोगमा उपचार पद्दति अपनाइने सो प्रविधिमार्फत अप्रेसनमा रगत कम बग्ने, पोस्ट अपरेसनपछि पनि बिरामीलाई दुखाइ कम हुने, अस्पताल बसाइँ घट्ने, अप्रेसनपछि खाना खान चाँडै नै सहज हुने, इन्फेक्सन कम हुने लगायत सुविधा रहेको जिएमसीका नाक, कान, घाँटी डिपोर्ट प्रमुख वरिष्ठ रोग विशेषज्ञ डा वृहस्पति सिग्देलले जानकारी दिए।

सो डिपार्टमा डा सिग्देलसहित वरिष्ठ रोग विशेषज्ञ डा राजेन्द्र नेपाली, डा नीरज केसी र डा टुलिका दुवे गरी चार जना छन्।

लामो समयदेखि नाक, कान, घाँटी रोगको उपचारमा संलग्न डा राजेन्द्र नेपालीका अनुसार यस प्रकारको टेक्निक्स्को प्रयोगबाट आफूहरुलाई पनि उपचारमा सहजता मिल्ने विश्वास व्यक्त गरे। उनका अनुसार अस्पतालमा आगामी दिनमा कोक्लिएर इम्प्लान्ट अर्थात जन्मजात नसुक्नेहरुको लागि पनि श्रवण क्षमता फर्काउने गरी उपचार गर्ने प्रविधि भित्राउने योजना छ।

सोमवार लाइभ वर्कशपमा गंगाराम हस्पिटलका डा सुलभ शर्माको नेतृत्वको चिकित्सकको टोलीले टन्सिलको जटिल समस्या भएको एक बिरामीको सफल अप्रेसन गरेको हो।

सो क्रममा डा वृहस्पति सिग्देल लगायतले कार्यशालामा उपस्थित यस क्षेत्रका नाक, कान, घाँटी रोगसँग सम्बन्धित चिकित्सकलाई सो प्रविधिको प्रयोग गरी भएको अप्रेसन प्रक्रियाबारे जानकारी दिएका थिए।

यसैबीच, अस्पतालमा खरिद प्रमुख कृष्ण पौडेलले ५ सय ५० शैया रहेको जिएमसीमा चाँडै नै १६० स्लाइसको सीटी क्यान मेसिन संचालनमा आउने जानकारी दिए। जापानी प्रविधिको सो मेसिनको औपचारिक संचालन बाँकी छ।

कलेजमा हाल दैनिक ५ सय ६ सय जना बिरामी ओपीडीमा भर्ना हुने गरेको बताइएको छ।

Related News

सम्बन्धित समाचार

    • व्यवसायी राजनीतिमा आउनुपर्छ : मन्त्री थापा

      आदर्श समाज सम्वाददाता श्रावण १५, २०७८
      पोखरा  । गण्डकी प्रदेशका कानुन, सञ्चार तथा प्रदेशसभा मामिलामन्त्री विन्दुकुमार थापाले राजनीतिमा २ थरिका मान्छे हुने बताउँदै व्यवसायीहरू पनि क्रमश राजनीतिमा…
    • पोखरामा मनाङ मर्स्याङ्दीको होम ग्राउन्ड र एकेडेमी

      धनबहादुर गुरुङ श्रावण १४, २०७८
      पोखरा । ‘ए’ डिभिजन क्लब मनाङ मस्र्याङ्दी (एमएमसी) लाई पोखरा रंगशाला घरेलु मैदानको रुपमा प्रयोग गर्न दिने गरी राष्ट्रिय खेलकुद परिषद्…
    • महानगरका सरसफाइकर्मीलाई स्वास्थ्य सामग्री

      आदर्श समाज सम्वाददाता श्रावण १३, २०७८
      पोखरा । नेपाल विकास समाजले पोखराका सरसफाइकर्मीलाई स्वास्थ्य सामग्रीसहित खाद्यान्न सहयोग गरेको छ । पोखराको दमकल कार्यालयमा कार्यक्रम गरी ६५…
    • प्रेस संयोजक कोइरालालाई बधाई

      आदर्श समाज सम्वाददाता श्रावण १३, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलका प्रेस संयोजक भरत कोइरालालाई प्रेस युनियन कास्कीले बधाई तथा शुभकामना दिएको छ ।…
    • ट्राफिक कार्यालयको सूचना सम्प्रेषण अभियान

      आदर्श समाज सम्वाददाता श्रावण १३, २०७८
      पोखरा । जिल्ला ट्राफिक कार्यालय, कास्कीले सूचना सम्प्रेषण अभियान सुरुआत गरेको छ । कोरोना नियन्त्रण र सवारी दुर्घटना कम गर्न…

    hero news full width

    Gandaki University

    sanil ads

    wordlink ads