साँस्कृतिक कार्यक्रम गरी घरघरै डष्टबीन

आदर्श समाज सम्वाददाता
श्रावण १९, २०७६
dastabin photo

लमजुङ, १९ साउन । लमजुङको बेसीशहर नगरपालिका– ३ गाउँशहरको थुम्काडाँडा स्थित जनज्योति युवा क्लबले घरघरै डष्टबीन वितरण गरेको छ ।

वडादशैंका अवसरमा आयोजना गरेको साँस्कृतिक कार्यक्रम र तिहारमा देउसीभैलो खेलेर संकलन रकमबाट जनज्योति युवा क्बले घरघरै डष्टबीन वितरण गरेको हो । क्लबले गाउँलाई सफा, स्वस्च्छ बनाउन गाउँका ७२ घरमा डष्टबीन वितरण गरेको क्लबका अध्यक्ष सञ्जय दुलालले बताए । उनका अनुसार क्लबले सञ्चालन गरेको साँस्कृतिक कार्यक्रमबाट संकलन भएको ५८ हजार रुपैयाँबाट डष्टबीन खरिद गरी ल्याएर गाउँमा वितरण गरिएको हो ।

थुम्काडाँडामा पर्यटन प्रवद्र्धनका लागि होमस्टे(घरबास कार्यक्रम)को पनि सुरुवात भइरहेको हुँदा गाउँमा आउने पाहुनाका लागि सरसफाइ आवश्यक हुने भएकाले गाउँको सरसफाइलाई समेत ध्यानमा राखी डष्टबीन खरिदगरी वितरण गरिएको उनले बताए । उनका अनुसार स्थानीयले उक्त डष्टबीनमा नकुहिने वस्तु राख्नका लागि प्रयोग गर्न भनिएको छ । कुहिने वस्तुलाई गाउँलेलाई मल बनाउने काममा प्रयोग गर्न सिकाइएको छ ।

एक कार्यक्रमकाबीच क्लबका अध्यक्ष दुलाल र बेसीशहर नगरपालिका कार्यापालिका सदस्य एंव भौतिक पूर्वाधार विकास संयोजक अजय मजाकोटीले संयुक्त रूपमा गाउँलेलाई डष्टबीन वितरण गरेका थिए ।

विभिन्न सामाजिक कार्यगर्दै आएको जनज्योति युवा क्लबले देउसीभैलो तथा साँस्कृतिक कार्यक्रम गरेर संकलन भएको रकमबाट यसअघिका वर्षहरूमा गोरेटो बाटो निर्माण, खेलकुद मैदान निर्माण, आर्थिक समस्या भएकालाई सहयोग गर्दै आउनुको साथै हराउँदै गएको संस्कृति संरक्षण गर्ने क्रममा रोटेपिङ संरक्षण लगायतको काम गर्दै आएको क्बलका पदाधिकारीको भनाई छ । उनीहरूका अनुसार क्लबको अगुवाईमा प्रत्येक हप्तामा गाउँमा सरसफाईको कार्यक्रम गर्ने गरिएको छ ।

Related News

सम्बन्धित समाचार

hero news full width