६० युनिट रगत संकलन

आदर्श समाज सम्वाददाता
श्रावण १७, २०७६

साउन १७ पोखरा । पोखरा–१७ मा आयोजना गरिएको रक्तदान कार्यक्रममा ६० युनिट रगत संकलन भएको छ । लायन्स क्लव अफ पोखरा बिरौटा साझा चौतारीद्वारा गरिएको रक्तदान कार्यक्रममा ६० यूनिट रगत संकलन भएको हो ।

रक्तदान कार्यक्रमका संयोजक ला. शैलेन्द्र मोहन भट्टराईले पहिलो रत्तदाता कृष्ण पौडेललाई ब्लड व्याग हस्तान्त्रण गरी कार्यक्रमको सुरुवात गरेका थिए । रगतको अभावमा अस्पतालको शैया छट्पटाई रहेका विरामीहरुका यस्ता रक्तदान कार्यक्रमले सहयोग पुर्याउने बताए ।

कमिटि चियरपर्सन रजनी कोइराला, जोन चेयरपर्सन रामजी घजु, रिजन चेयरपर्सन दुर्गा कुमारी आचार्य, कमिटि चेयर पर्सन जीतबहादुर थापा, डिपार्टमेन्ट अफिसर सन्तोष घिमिरे, नेपाल कम्युनिष्ट पार्टी (नेकपा) वडा नं ८ का अध्यक्ष लक्ष्मीप्रसाद सुबेदी, कृष्ण पौडेल, विजय आचार्य, माधव पोखरेल लगायतले रक्तदानको महत्वका बारेमा प्रकाश पारेका थिए ।

संस्थाका अध्यक्ष साबित्रा पौडेलको अध्यक्षतामा भएको कार्यक्रममा स्वागत प्रथम उपाध्यक्ष रेखादेवी पोखरेल र सञ्चालन सह–सचिव लक्ष्मी बराल आचार्यले गरेको कार्यक्रम संयोजक गिता पराजुलीले जानकरी दिइन ।