जलजलाका पहिरो पीडितलाई नयाँ घर

एजेन्सी
श्रावण १६, २०७६
Pahairo-Pedit-Lai-Aachurit-Ghar-1

पोखरा, १६ साउन । पर्वत जिल्लको जलजला गाउँपालिकाका पहिरो पीडित २२ परिवारलाई घर हस्तान्तरण गरिएको छ ।

गण्डकी प्रदेशका भौतिक पूर्वाधारा विकास मन्त्री रामशरण बस्नेत र पर्वतका प्रमुख जिल्ला अधिकारी कल्पना घिमिरे नेपालले घरनिर्माण भएको प्रमाणपत्र र चावीसहित घर हस्तान्तरण गरेका हुन् । अघिल्लो वर्ष साउन महिनामा आएको पहिरोले पर्वतको जलजला गाउँपालिका–८ को लस्ती बेरनेटामा घरमाथिबाट आएको पहिरोले एक जनाको मृत्यु र २२ घर विस्थापित भएका थिए ।

असल छिमेकी नेपालले निर्माण गरिदिएको घर हस्तान्तरण गरिएको हो । कार्यक्रममा बोल्दै मन्त्री बस्नेतले असल छिमेकी नेपालले भूकम्पपछिको गोरखा पुनर्निर्माणमा देखाएको तदारुकताको प्रशंसा गरे । मन्त्री वस्नेतले विपद्को दिगो व्यवस्थापनमा ध्यान दिनुपर्ने र स्थानीय सरकार समेत सचेत हुनपर्नेतर्फ जोड दिए ।

त्यस्तै वडा नं. ८ का अध्यक्ष हरिविकास जिसी, असल छिमेकी नेपालका कार्यकारी निर्देशक राजेन्दकुमार अधिकारीले लगायतले आफ्नो भनाइ राखेका थिए । ९३ लाख ९४ हजार रुपैयाँ लागत अनुमान गरिएको यस परियोजनामा हालसम्म ७९ लाख २८ हजार खर्च भएको जानकारी अधिकारीले दिए ।

उनका अनुसार कास्कीको सेती बाढी, सिन्धुपाल्चोकको जुरे पहिरो, महाभूकम्पपछिको पुननिर्माणदेखि बारापर्साको आँधी र तराई डुबान पीडितहरुसम्म असल छिमेकी नेपाल पुग्न सकेको बताए । कार्यक्रममा पर्वत जिल्लाका प्रजिअ कल्पना घिमिरे, फलेबास नगरपालिकाका मेयर पदमपाणि शर्मा, जलजला गाउँपालिकाका कार्यवाहक अध्यक्ष भिष्म मल्ल लगायतले आफ्नो भनाई राखेका थिए ।

जलजला गाउँपालिका वडा नं. ८ बेरनेटामा १७, वडा नं. ७ लस्तीमा ४ र वडा नं. ४ मिलनचोकमा एक गरी २२ परिवारका लागि शौचालयसहित दुई कोठे घर निर्माण गरिएको जानकारी असल छिमेकी नेपालका प्राविधिक संयोजक सुमन बयलकोटीले दिए ।

Related News

सम्बन्धित समाचार

    • उद्घोषण तथा क्षमता विकास तालिम

      आदर्श समाज सम्वाददाता श्रावण १७, २०७८
      पोखरा । शुक्लागण्डकी नगरपालिका ३, पौवा प्रगतिटोलमा उद्घोषण तथा क्षमता विकाश तालिम सुरु भएको छ । टोलवासीको क्षमता तथा नेतृत्व विकासका…
    • फूलबारी क्लबमा हरिश्चन्द्र बास्तोला

      आदर्श समाज सम्वाददाता श्रावण १६, २०७८
      पोखरा । फूलबारी क्लबको ३० औं वाषिक साधारणसभा एवं अधिवेशनले नयाँ कार्यसमित चयन गरेको छ । पोखरा–११ फूलबारीस्थित क्लबको शनिबार…
    • ‘उपभोक्तालाई स्वच्छ पानी वितरण गर्छु’

      आदर्श समाज सम्वाददाता श्रावण १५, २०७८
      पोखरा । नेपाल खानेपानी संस्थानका महाप्रबन्धक डा. भूपेन्द्र प्रसादले संस्थान बलियो बनाउन आफू क्रियाशील भएको बताउँदै उपभोक्तालाई स्वच्छ पिउनेपानी वितरण गरेरै…
    • मदन पुरस्कारका लागि ‘श्रेष्ठ सूची’ सार्वजनिक

      आदर्श समाज सम्वाददाता श्रावण १५, २०७८
      पोखरा । मदन पुरस्कार गुठीले ‘मदन पुरस्कार २०७७’ का लागि ९ वटा पुस्तक छनोट गरेको छ । पुरस्कारका लागि आवेदन दिएका…
    • सामूहिक पहलबाट विकास सम्भव : नगर प्रमुख खाँण

      आदर्श समाज सम्वाददाता श्रावण १५, २०७८
      वालिङ । वालिङ नगरपालिकाका नगर प्रमुख दिलीपप्रताप खाँणले सामूहिक पहलबाट विकास सम्भव भएको बताएका छन् । वालिङ नगरले आयोजना गरेको वडा…

    hero news full width

    Gandaki University

    sanil ads

    wordlink ads