पोखरा, १५ साउन । नेपाल सरकारले यस आर्थिक वर्षमा ५० लाख बिरुवा रोप्ने कार्यक्रम तय गरेको छ ।

सरकारको अभियानलाइृ सहयोग गर्दै लायन्स क्लब अफ पोखरा पिस टाउनले बृक्षरोपण कार्यक्रम गरेकोे छ । पोखरा–११ कार्कीडाडा स्थित जयकोट सामुदायिक वन परिसरमा मंगलवार बिभिन्न जातका १ सय बढ़ी बिरुवा रोपिएको हो ।

नेपाल सरकारका उपसचिव जिल्ला वन कार्यालय तनहुँका प्रमुख केदार बरालले संयोजक सृजना बराललाई चेरीको बिरुवा हस्तान्तरण गरी कार्यक्रमको उद्घाटन गरेका थिए । प्रमुख अतिथि बरालले ‘वातावरण असन्तुलनका कारण हामी दैवी प्रकोपको सामना गर्न बाध्य छौें’ उनले भने –वातावरण संरक्षण गर्न सक्यौं भने मात्र हामी पनि सुरक्षित हुन्छौं ।’ डिएफओ बरालले स्थानीय आमा समूह र टोल बिकास संस्थाका अध्यक्ष एवं प्रतिनिधिलाई वातावरण संरक्षणका जानकारी गराएका थिए ।

लायन्स डिष्ट्रिक्ट ३२५ बी १ नेपालका क्याविनेट सेक्रेटरी बिनोद ढुंगानाले बृक्षारोपण गर्नु मात्र नभई यस्को संरक्षणमा लाग्न आग्रह गरे । यस सामुदायिक वनमा कटहर, चेरी, रुद्राक्ष, अशोका, तेजपत्ता, लप्सी, कोइरालो, पारीजात, बडहर, लगायतका करिब १ सय बिरूवा रोपिएका छन् ।

लायन्स क्लब अफ पोखरा पिस टाउनका अध्यक्ष गीता थापाको अध्यक्षतामा सम्पन्न कार्यक्रममा जयकोट सामुदायिक वन उपभोक्ता समितिका अध्यक्ष शिवबहादुर कार्की, कार्यक्रम संयोजक सृजना बराल लगायत स्थानीय आमा समूह र टोल बिकास संस्थाका प्रतिनिधि उपस्थित थिए ।