१ करोड ५९ लाख राजस्व संकलन

आदर्श समाज सम्वाददाता
श्रावण १५, २०७६

तनहुँ, १५ साउन । घरेलु तथा साना उद्योग विकास समिति तनहुँले ११ सय ३५ उद्योग आर्थिक वर्ष २०७५/७६ मा दर्ता गरेको र घरेलु उद्योगका लागि १ अर्ब ७ करोड ३८ लाख ७५ हजार लगानी गरेको छ ।

घरेलु कार्यलयले ५ हजार ५ सय ८६ उद्योग दर्ताबापत यस आर्थिक बर्षमा १ करोड ५९ लाख३० हजार४ सय ७२ राजश्व समेत संकलन गरेको छ । घरेलु तथा साना उधोग समिति तनहुँका अनुसार जिल्लामा दर्ता भएका घरेलु उधोग मध्ये १ सय ४६ लघु उद्योगदर्ता भएका मध्ये ७ सय ३० उद्योग नविकरण,६७ उद्योगले नामसारी ,६० उधोगले लगतकट्टा गरेका छन्।वन  तथा कृषिजन्य उधोगमा धरेलुले ५३ करोड २० लाख १८ हजार पुँजी लगानी गरेको छ ।

यस वर्षको तथ्यांकमा ३ हजार२ सय७९ जना युवा र युवतीहरुले रोजगार पाएका छन् जसमा १ हजार २ सय३२ जना उद्यमीहरु वनेका छन् । पशुपालन,पंक्षिपालन,माछापालन र कृषि व्यवसायमा युवाहरुको आकर्षण देखिएको छ भने जडीबुटी ,कृषि र उद्योग व्यवसायमा सम्लग्नता वढेको छ । उद्योगबाट वार्षिक १ अर्ब ४१ करोड २ लाख २१ हजार ९ सय२० रुपैयाँ घरयासी मालसामान उत्पादन भएको घरेलु तथा साना उधोग विकास समितिको कार्यलय तनहुँले जनाएको छ।