३ लाख ५० हजारमा बोको बिक्री

आदर्श समाज सम्वाददाता
श्रावण १४, २०७६
maxresdefault

तनहुँ, १४ साउन । तनहुँ भानुनगरपालिका–९ पाथर्दीका एक युवकले बोकालाई ३ लाख ५० हजार रुपैयाँमा बिक्री गरेका छन् ।

अफ्रिकन मुलुकमा पाइने वोयर जातको उक्त बोकालाई सोही स्थान निवासी शिवबहादुर आलेले पुन लाइभस्टक गोट फार्मका प्रोपाइटर सोमबहादुर पुनलाई बिक्री गरेको भानुनगरपालिका –९ रिठ्ठा भन्ज्याङका स्थानीय खिमबहादुर थापाले जानकारी दिए ।

इजरायल स्थित साना किसान विकास बैंक मार्फत आधुनिक कृषि सम्वन्धी–११ महिने तालिम लिएर गाउँमा फर्केका आलेले बाख्रा पालनबाट मनग्य आम्दानी गर्दै आएका छन् । मेहनत गरे आफनै देशमा हिरा फलाउन सकिन्छ, विदेशमा पसिना वगाउनुको सट्टा स्वदेशमै श्रम र सीपलाई खर्चन सके सम्मृद्धि र कृषि क्षेत्रको विकास द्रुत गतिमा हुन सक्ने आले बताउछन् ।

ओभरसियरको पढाइ पूरागरी व्यवसायिक कृषि फार्म संचालन गर्दै आएका आलेको सिर्जनशील वाख्रा फार्ममा वोयर जातिका ६० वटा बाख्राका माउ र पाठा–पाठी छन् । यसैगरी भानुनगरपालिका–९ जौपानी निवासी २९ वर्षीय आशीष पुरीले १९ लाखको लगानीमा वन्दिपुर स्थित बाख्रा फार्मबाट ८३ वटा विभिन्न जात–जातीका बाख्रा र पाठापाठी खरिद गरी व्यवसाय शुरु गरेको बताए । एक वोडिङ स्कूलमा गणित र विज्ञान विषयका शिक्षक समेत रहेका पुरी अध्यापन पेसा छोडेर बाख्रापालन व्यवसायमा लागेका छन् ।

मुख्यमन्त्री वातावरण मैत्री नमूना कृषि गाउँको रुपमा छनौट भएको पाथर्दीलाई बोयर जातकोे वाख्राको मुख्य क्षेत्रमानिनुका साथै ६८ घरधुरी मध्य ६० घरधुरीले बाख्रा पालन व्यवसाय शुरुगरेको र अफ्रिकी भन्दा अष्ट्रेलियन बोयर बोकामा वोसो रहितको मासु हुने भएकाले स्वास्थ्यका दृष्टीले लाभदायक हुने भएकाले कृषकको आकर्षण ती जातका बाख्रातर्फ वढेका भानुनगरपालिका–९ का वडाध्यक्ष इमान थापाले जानकारी दिए।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width