शान्तिदर्शन टोलले गर्यो सम्मान

Avatar आदर्श समाज सम्वाददाता
श्रावण ५, २०७६

शान्तिदर्शन टोल विकास संस्था पोखरा–९ नयाँबजारद्वारा आफ्नो सातौं वार्षिक साधारण सभा तथा चौथो अधिवेशन उद्घाटन समारोहबीच सम्मान कार्यक्रम सम्पन्न गरिएको छ ।

उक्त समारोहमा टोलका १६ जना ज्येष्ठ नागरिक तथा एसइई परीक्षा–२०७६ उत्तीर्ण १७ जना विद्यार्थीलाई सम्मान गरिएको थियो ।

यसैगरी, सहयोगी संघसंस्था तथा महानुभावलाई पनि सम्मान गरियो ।

कार्यक्रमका प्रमुख अतिथि पोखरा महानगरपालिका ९ का वडाध्यक्ष रामराज लामिछाने, सदस्यद्वय राममाया मानन्धर र गीता चर्माकार तथा टोल विकासका अध्यक्ष उत्तम जोशीले सम्मानपत्र, माला र टीका प्रदान गरी सम्मान गरेका थिए ।

त्यस अवसरमा प्रमुख अतिथि लामिछानेले पोखरा महानगरका ३३ वटामा दुई वटा टोल विकास संस्थामात्र बालमैत्री भएको र शान्ति दर्शनसंस्थासहित दुवै संस्था ९ नं. वडाका भएकोमा गर्व गर्नुपर्ने बताए ।

वडामा १९ वटा टोल विकास संस्था रहेका र शान्तिदर्शन सबैभन्दा अग्रणी रहेको उल्लेख गरे । साथै, उनले बसपार्क व्यवस्थित गर्न फाइल पेश भैसकेको जानकारी दिए ।

नेकपा पोखरा ९ का अध्यक्ष बलबहादुर कार्कीले टोल विकास संस्थालाई आवश्यक परेको जनशक्ति दिन सकिने बताए ।

आदर्श समाज दैनिकका प्रधानसम्पादक कृष्णप्रसाद बास्तोलाले टोलका आवश्यकता महत्व हेरी प्राथमिकताका आधारमा पूरा गर्नुपनेर्मा जोड दिए ।

सामुदायिक सेवा केन्द्र कास्कीका अध्यक्ष सोमनाथ बास्तोलाले टोल विकासका कार्यक्रममा सामुदायिक सेवा केन्द्रलाई पनि समेटिएकोमा खुसी प्रकट गरे ।

कार्यक्रममा शान्ति टोल विकास संस्थाका अध्यक्ष बलराम पहारी, बालमैत्री वडासमन्वय समितिका सदस्य भावना श्रेष्ठ, सम्मानित छात्रा सविना खनालले मन्तव्य राखेका थिए ।

संस्थाका अध्यक्ष उत्तम जोशीको अध्यक्षतामा भएको उक्त कार्यक्रममा सदस्य टीकाकुमारी पौडेलले स्वागत गरेकी थिइन् । कोषाध्यक्ष रामबहादुर वयलकोटीले आर्थिक प्रतिवेदन तथा सदस्य यामबहादुर थापाले कार्यक्रम सञ्चालनसहित प्रगति प्रतिवेदन प्रस्तुत गरेका थिए ।

तपाइको विचार व्यक्त गर्नुहोस्

हाम्रो सुझाव

स्वास्थ्यबारे सचेतना जरुरी : मन्त्री पुन

रजतजयन्तीमा मदरल्याण्डको प्रदेशस्तरीय हाजिरीजवाफ

कन्या क्याम्पसको २८ औं वार्षिकोत्सव

मन्टेश्वरी र व्युटिसियन तालिम शुरु

चार बालिकाको उद्वार

प्रमुख समाचार

फुटवलमा नेपाललाई स्वर्ण

थप प्रमुख समाचार

फुटवलमा नेपालकाे अग्रता

कुटपीटको विरोधमा पत्रकारको धर्ना

नवलपुरका विद्यार्थीलाई १२ करोडको खाजा