गोर्खा फिटनेसद्वारा हरिहर गुफा सफाई

Avatar आदर्श समाज सम्वाददाता
श्रावण ४, २०७६

पोखरा, ४ साउन । पोखरा–२० भलाम स्थित हरिहर गुफा परिसरमा सरसफाई गरिएको छ । पोखराको दीपमा रहेको गोर्खा फिटनेस ट्रेनिङ सेन्टरमा प्रशिक्षण लिइरहेका युवाले गुफा परिसरको सरसफाई गरेका हुन ।

गोर्खा फिटनेसले सामाजिक काममा समेत आफूहरु अगाडि वढ्नुपर्छ भन्ने उद्देश्यका साथ हरिहर गुफा परिसरमा सरसफाई गरिएको ट्रेनिङ सेन्टरका सञ्चालक डिबी लामाले बताए ।
शनिवार ट्रेनिङ सेन्टरमा विदा हुने भएकाले पशिक्षार्थीलाई सामाजिक काममा समेत अग्रसर हुने र नजिकका मठमन्दिर तथा प्राकृतिक सम्पदाको संरक्षण गर्नुपर्छ भन्ने भावना युवामा जगाउँनका लागि सरसफाइ गरिएको बताइएको छ ।

पोखरा महानरपालिका वडा नम्बर २० का अध्यक्ष सीम गुरुङको सक्रियता र गोर्खा फिटनेस ट्रेनिङ सेन्टरको सहयोगमा सेन्टरमा रहेका २ सय ५० युवाले हरिहर गुफा प्राङगण र गुफा परिसरमा रहेको फुट ट्रयाकको दायाँबायाँका झाडी पन्छ्याउनुका साथै फुट ट्रयाकमा रहेका झारपातहरु हटाएर चिटिक्क पारेका थिए ।

हरिहर गुफा सन्यास आश्रमका उपाध्यक्ष अर्जुनबहादुर खत्रीले विशेष धन्यवाद ब्यक्त गरे । पोखरा नजिकै रहेको रमणीय स्थल हरिहर गुफा प्रचारप्रसारको अभावमा ओझेलमा परेको वताउदै गुफाको प्रचारप्रसार सहित यसको महत्वको बारेमा आम जनमानसलाई थाहा दिन सके गुफा पर्यटकको केन्द्रविन्दु वन्ने खत्रीको भनाइ छ ।

वडाध्यक्ष सीम गुरुङले भलामबासीले पर्यटकीय गन्तब्यको रुपमा रहेको हरिहर गुफाको संरक्षण गरिरहेको र आगामी दिनमा वडाको तर्फबाट सहयोग गरी गुफाको महत्वको बारेमा प्रचारप्रसारमा सहयोग गर्ने वताए । हरिहर गुफा भलामको मात्र नभइ समग्र पोखराको इतिहास बोकेको गुफा भएकाले यसको संरक्षण संगै प्रवद्र्धनका लागि वडा र आफु लागिपर्ने अध्यक्ष गुरुङको भनाइ छ । हरिहर गुफा आश्रममा हाल १० जना वृद्धवृद्धा आश्रित छन ।

तपाइको विचार व्यक्त गर्नुहोस्

हाम्रो सुझाव

स्याङ्जाको सुन्तला चीन निर्यात गर्न छलफल

बजार पाउँदै बागलुङको किबी

सौराहामा सडक महोत्सवको प्रचार

उत्पादन र उत्पादकत्वमा वृद्धि आवश्यक –कृषिमन्त्री

पोखरामा आकाशे पुलको सिलन्यास

प्रमुख समाचार

पीपीएलमा पोखराको सुखद सुरुवात

थप प्रमुख समाचार