आन्दोलन फिर्ता होइन स्थगित मात्रै हो–पोखरेल

Avatar आदर्श समाज सम्वाददाता
असार २६, २०७६

बुटवल, २६ असार । नेपाल पत्रकार महासंघका केन्द्रीय उपाध्यक्ष बिपुल पोखरेलले महासंघले सञ्चार सम्वन्धी बिभिन्न बिधेयकको बिरोधमा सुरु गरेको आन्दोलन फिर्ता लिएको नभई स्थगित मात्रै गरेको बताएका छन् ।

नेपाल प्रेस युनियन रुपन्देहीले आयोजना गरेको संघीयतामा पत्रकारिताको महत्व र भूमिका बिषयक अभिमूखीकरण तालिमको बुटवलमा बोल्दै उपाध्यक्ष पोखरेलले यस्तो बताएका हुन् ।

उनले सत्तारुढ दल नेकपाको संसदीय दलले सञ्चार सम्वन्धी बिधेयकमा प्रेस स्वतन्त्रताको बिरोधमा भएका बिषय हटाउने र सरोकारवालाहरुसंग छलफल गर्ने लिखित सहमति गरेकाले तत्कालका लागि सडक आन्दोलन स्थगित गरेको बताएका हुन् । उनले भने –‘आन्दोलन फिर्ता गरीएको होइन तेश्रो चरणका सडक आन्दोलन स्थगित गरिएको हो प्रेस स्वतन्त्रताको पक्षमा र सञ्चार सम्वन्धी बिभिन्न बिधेयक माथि छलफल दवाव लगायतका कार्यक्रम जारी रहन्छन ।’

कार्यक्रममा सस्थापक सभापति बाल नरसिंह गुरुङले रुपन्देहीमा पत्रकारको क्षमतामा बृद्वि भईरहको र नयाँ तथा पुरानोको लागि गरीएको अभिमुखीकरण प्रभावकारी हुने बताए ।
नेपाल प्रेस युनियनका सल्लाहकार हरि लम्सालले मुलुक संघीयतामा गएपछि पत्रकारहरुको भूमिका पनि बदलिएकाले पत्रकारले सक्रिय भई पत्रकारिता गर्नुपर्ने बताए ।

कार्यक्रममा सहल्लाहकार डायलसन अधिकारी,रामराज पोख्रेल, सभापति रेखा भुसाल लगायतले बोल्दै प्रेस युनियनमा आबद्ध पत्रकारको क्षमता अभिबृद्धिका लागि तालिमहरु आवश्यक रहेको बताउँदै नयाँ पुस्तालाई ज्ञान र पुरानोलाई अभिमुखीकरण प्रदान गरिएको थियो ।युनियनका रुपन्देही सचिव श्यामशंकर पाण्डेको सञ्चालनमा उदघाटन कार्यक्रम भएको थियो । तालिममा ८८ जनाको सहभागिता रहेको थियो ।

तपाइको विचार व्यक्त गर्नुहोस्

हाम्रो सुझाव

शान्ति पत्रकारिता पुरस्कारको अक्षयकोष रकम हस्तान्तरण

३३ युनिट रगत संकलन

‘सीको भ्रमणपछि उत्साह’

समाजसेवाको नृत्यमा रसाइली प्रथम

पाल्पाली समाजको सामूहिक टीका

प्रमुख समाचार

दश वर्षमा मध्यम स्तरको विकसित राष्ट्र –मुख्यमन्त्री गुरुङ

थप प्रमुख समाचार