नेपाल एसीसी इस्टर्न रिजनमा फाइनल पुग्यो

Avatar आदर्श समाज सम्वाददाता
असार २३, २०७६

पोखरा ।  घरेलु टोली मलेसियालाई ७ विकेटले पराजित गर्दै एसीसी इस्टर्न रिजन यू १९ क्रिकेटमा नेपाल फाइनल पुगेको छ ।

सेमीफाइनलमा ८८ रनको लक्ष्य पछ्याएको नेपालले १५ दशमलव ५ ओभरमा ३ विकेट गुमाएर पूरा गरेको थियो ।

नेपालको जितमा भीम सार्की र रोहितकुमार पौडेलले नटआउट ६० रनको साझेदारी गरे । सार्की ३३ रनमा नट आउट रहे । रोहित ३१ रनमा नट आउट रहे । पवन शर्राफ १८ रनमा आउट भए । रित गौतम ३ रनमा पेभेलियन फर्किए । खडक बोहराले भने खाता खोल्न सकेनन् । मलेसियका हकिल मोहमदले २ विकेट लिए ।

त्यसअघि, किनरारा ओभल मैदानमा टस हारेर पहिले ब्याटिङ गरेको घरेलु टोली मलेसियाले ४० दशमलव ५ ओभरमा सबै विकेट गुमाएर ८७ रनको योगफल खडा गरेको थियो ।

नेपालको सानदार बलिङ आक्रमणसामु मलेसियाका ब्याट्सम्यानहरुको प्रदर्शन सुस्त बन्यो । मलेसियन टोलीले लामो साझेदारी गर्न सकेनन् । नेपाली टोलीका बलरले मलेसियन ब्याट्सम्यानहरुलाई लामो समयसम्म क्रिजमा टिक्नै दिएन । मलेसियाका ३ खेलाडीले मात्र दोहोरो अंकको रन जोड्न सके । मलेसियाका मुहम्मद अमिरले बनाएको २४ रन मलेसियाको पारीमा सर्वाधिक व्यक्तिगत अंक जोड्न सफल रहे ।

वान अमिरुल ११, हइकल मोहद खइर १२ र अहमद अलिफले १० रन जोडेर आउट भए । नेपाल प्रतियोगिताको साविक विजेता हो । बलिङतर्फ नेपालका लागि सागर ढकालले ३ विकेट लिए । उनले १० ओभरमा ३ मेडन राख्दै १६ रन खर्चिए । ९ ओभरमा ५ मेडनसहित १३ रन खर्चेका कुशल मल्लले २ विकेट लिए । रसिद खान र तिलकराज भण्डारीले समान १ विकेट लिए ।

तपाइको विचार व्यक्त गर्नुहोस्

हाम्रो सुझाव

सफ्ट टेनिसलाई कोर्ट हस्तान्तरण

बिग्रेडलाई ललित स्मृति कप

महोत्सव पूर्व सन्ध्यामा नाकोडस व्याडमिन्टन

नेपाली राष्ट्रिय कीपर किरण आइलिगमा अनुवन्ध

नेपाली तेक्वान्दो टोलीको विदाई

प्रमुख समाचार

लेखनाथमा भ्यागुताको बिहे

थप प्रमुख समाचार