पोखरा, २३ असार । लायन्स क्लब अफ पोखरा मिड टाउनले महिलालाई लक्षित गरी निःशुल्क कम्प्युटर शिक्षा तालिम प्रदान गरेको छ ।

क्लबले ‘डिप्लोमा इन कम्प्युटर एप्लिकेसन’ कोर्षको तालिम प्रदान गरेको हो । ग्लोबल आइटी एजुकेसन अमरसिंहचोकमा सञ्चालित तालिम ३ महिनासम्म चल्ने जानकारी क्लबका सचिव तथा कार्यक्रम संयोजक विकास भुर्तेलले जानकारी दिए ।

‘तालिममा सहभागीको सम्पूर्ण शुल्क क्लबले व्यहोर्छ,’ उनले भने, ‘तालिमबाट गरिब तथा विपन्न वर्गका महिलाहरु प्रत्यक्ष लाभान्वित हुनेछन् । कार्यक्रममा बोल्दै प्रमुख अतिथि पास्ट मल्टिपल काउन्सिल चियरपर्सन दीपक श्रेष्ठले कम्प्युटर शिक्षा लिएर स्वरोजगार बन्न तालिममा सहभागीलाई आग्रह गरे । विधाता हस्तकला प्रशिक्षण केन्द्रका सञ्चालक सबिता श्रेष्ठ रञ्जितले प्राविधिक शिक्षाको महत्व धेरै रहेको बताइन् ।