कृषकलाई अनुदान रकम प्रदान

Avatar आदर्श समाज सम्वाददाता
असार २२, २०७६

लेखनाथ, २२ असार । प्रधानमन्त्री कृषि आधुनिकीकरण परियोजना सुपरजोन(तरकारी) कास्कीबाट आर्थिक वर्ष २०७५/०७६ को प्रतिफलमा आधारित प्रोत्साहन अन्तर्रगत पोखरा–३० को नौवीसे दुग्ध उत्पादक सहकारी संस्था र ताजा तरकारी उत्पादन समूहका कृषकलाई अनुदान रकम प्रदान गरिएको छ ।

सहकारीमा आवद्ध किसानमध्ये ३० जनालाई रु ३५ हजार र तरकारी उत्पादन समूहलाई रु ८ हजार ४ सय गरी कूल ४३ हजार ४ सय रुपैंयाँ अनुदान रकम वितरण गरिएको हो । कार्यक्रममा वडा नंं ३० का वडा सदस्य सोमलाल कडेंल र परियोजना सञ्चालक समिति कास्कीका संयोजक कृष्णप्रसाद तिवारीले सहकारीका अध्यक्ष बाबुराम ढकाल र तरकारी उत्पादन समूहका अध्यक्ष बुद्धिसागर पोख्ररेलले रकम हस्तान्तरण गरेका हुन ।

अनुदान रकम हस्तान्तरण गर्दै वडा सदस्य कँडेलले राज्यले कृषकका लागि सञ्चालन गरेको कार्यक्रमबाट वास्तवित कृषकले लाभ लिनुपर्ने वताउँदै यसमा पारदर्शी रुपमा मुल्याङ्कन र अनुगमन गरिनुपर्ने वताएका थिए । कंडेलले स्थानीय स्तरमा संकलन हुने फोहोरलाई व्यवस्थापन गरी प्रांगारिक मल उत्पादन गरी कृषकलाई वितरण गर्ने वडाको योजना रहेको वताएका छन् ।

कार्यक्रममा प्रधानमन्त्री कृषि आधुनिकीकरण परियोजना सञ्चालक समिति कास्कीका संयोजक कृष्णप्रसाद तिवारीले परियोजनाको उद्देश्य नै कृषि उत्पादनमा वृद्धि गराउनु रहेको वताउँदै यसमा प्रत्यक्ष रुपमा कृषिमा संलग्नभई उत्पादनमा टेवा पु¥याएका कृषकलाई प्रोत्साहन गरिने बताइएको छ । उनले वास्तविक किसानले नै लाभ लिन सकुन भन्ने उद्देश्यले अनुगमन र मुल्याङ्कनगरी त्यसको आधारमा प्रोत्साहन रकम वितरण गरिएको वताए ।

यस्तै परियोजना कास्कीका कार्यालय प्रमुख वसन्तकुमार श्रेष्ठले राज्यले प्रदान गरेको सुविधा किसानहले लिन पाउनुपर्ने र यसका लागि किसान स्वयम जागरुक हुनुपर्नेमा जोड दिएका थिए ।कार्यक्रममा कृषि सञ्जाल वडा नं. ३० का संयोजक दयाराम तिवारीले सिंहदरबारको अधिकार गाँउ गाउँमा आएको भनिएपनि स्थानीय तहले बाटोघाटो र सामान्य तालिमका कार्यक्रमलाई नै प्राथमिकता दिने गरेको वताए ।

किसानलाई सामान्य लाभ मिल्ने कुरामा पनि स्थानीय तहले अनावश्यक झन्झट दिने गरेको उनले आरोप लगाए । उनले साविक लेखनाथको ढुंगेपाटनमा रहेको कृषि कार्यलय पुन संचालनमा आउनुपर्ने माग गर्दै यसका लागि जनप्रतिनिधिहरुले पहल गर्नुपर्ने वताएका थिए ।

कृषि तालिम केन्द्र पोखराकी अधिकृत शर्मिला मिश्रले कृषकलाई आवश्यक तालिमका विषयमा स्थानीय तहसँग समन्वय गर्दै सक्दो सहयोग गर्ने प्रतिबद्धता जनाएकी थिईन ।नौवीसे दुग्ध उत्पादक सहकारी संस्थाका अध्यक्ष बाबुराम ढकालको अध्यक्षतामा सम्पन्न कार्यक्रममा सहकारीका संस्थापक अध्यक्ष प्रमोदकुमार पौडेलले स्वागत गरेका थिए भने कार्यक्रमको सञ्चालन सचिव सञ्जयबाबु भटृराईले गरेका थिए ।

तपाइको विचार व्यक्त गर्नुहोस्

हाम्रो सुझाव

एनसेलको ‘अल नेट भ्वाइस प्याक’

एनएमबीको ‘पूर्व स्वीकृत आवास कर्जा’

व्यवसाय सञ्चालनमा उपयुक्त वातावरण : अर्थमन्त्री

गरिमा विकास बैंकको शाखा हात्तीगौंडामा

एउटै बोकाको मूल्य ३ लाख

प्रमुख समाचार

करेन्ट लाग्दा दाजुभाइृको मृत्यु

थप प्रमुख समाचार

बङ्गलादेशका राष्ट्रपति हमिद जलविहार गर्दै

बंगललादेशका राष्ट्रिपति पोखरामा

पेस्तोलसहित २ पक्राउ

बागलुङमा बिश्व मधुमेह दिवस मनाइयो