गुरुङ कलाकार गण्डकी अध्यक्षमा सुरेन्द्र

Avatar आदर्श समाज सम्वाददाता
असार २२, २०७६

पोखरा २२ असार । गुरुङ कलाकार संघ नेपाल, गण्डकी प्रदेश समितिको प्रथम अधिवेशन एवं स्रष्टा सम्मान कार्यक्रम सम्पन्न भएको छ ।

गण्डकी प्रदेश सरकारका आर्थिक तथा योजना मन्त्री किरण गुरुङले उक्त कार्यक्रमको उद्घाटन गर्दै कलाकार नाच्ने र गाउने मात्र नगरी आफ्ना मौलिक गीत र बाजाको अध्ययन अनुसन्धानमा लाग्नुपर्ने बताए ।

उक्त अबसरमा प्रदेश सभा सदस्य इन्द्रधारा बिस्ट र मित्रकुमारी गुरुङ सुबेदी, मीना गुरुङले श्रम प्रति सम्मान गर्दै कलाकारको बृद्धिविकासमा आफूहरुबाट सहयोग प्रदान गर्ने बताए । कार्यक्रममा नृत्य निर्देशक एवं संस्कृतिकर्मी मेनकाजी गुरुङ र गायक तथा संगीतकार कृष्ण गुरुङलाई जनही ५,५५५ नगद सहित सम्मान गरिएको थियो ।

सम्मानित व्यक्तित्व मेनकाजी गुरुङ र कृष्ण गुरुङ्ले गुरुङ कलाकारहरुले आफ्नो पहिचानको रुपमा रहेको भाषा र संस्कृतिलाई संरक्षण एवं जगेर्ना गर्नु पर्नेमा जोड दिएका थिए ।
अधिवेशनले सुरेन्द्र गुरुङको अध्यक्षतामा २१ सदस्यीय कार्यसमिति चयन गरेको छ । बरिष्ठ उपाध्यक्ष माधब गुरुङ, प्रथम उपाध्यक्षमा माया गुरुङ ,महासचिब टस गुरुङ ,सचिब नेत्र गुरुङ ,कोषाध्यक्ष बिक्रम गुरुङ ,सहकोषाध्यक्ष इन्द्र गुरुङ ,सदस्यहरु रुपा गुरुङ ,काजल गुरुङ ,पूजा गुरुङ ,रामप्रसाद गुरुङ र डबिंग गुरुङ चयन भएका छन्र । ।रिक्त रहेका पदमा पछि चयन गरिने बताइएको छ ।

तपाइको विचार व्यक्त गर्नुहोस्

हाम्रो सुझाव

‘सानो मन’ को प्रशंसा

विवादमा फस्यो पुरस्कार

कति कमायो ‘आप्पा’ ले?

पौडेल र भित्रिकोटीको नयाँ भिडियो सार्वजनिक

प्रमुख समाचार

लेखनाथमा भ्यागुताको बिहे

थप प्रमुख समाचार