पोखरा, २१ असार । बार्षिक तीन लाख २३ हजारले गर्भपतन गर्ने गरेकोमा ५८ प्रतिशत गर्भपतन गैरकानूनी हुने गरेको छ ।

सोसाईटी अफ हेल्थ केयर जर्नालिष्ट नेपालद्वारा शुक्रवार यहाँ आयोजित स्वास्थ्य र सुरक्षित गर्भपतन संचारकर्मी र सरोकारवालाबीच अन्तरक्रियामा कार्यक्रममा त्यस्तो तथ्याङ्क दिइएको हो । किशोराअवस्थामा असुरक्षित गर्भपतन गर्नेको प्रतिशत झनै डरलाग्दो छ । किशोराअवस्थामा हुने गैरकानूनी गर्भपतन ७२ प्रतिशत रहेको तथ्याङकले देखाएको छ ।

बिशेष परिस्थिति वाहेक कानून त १२ हप्ता भन्दा वढी समयको गर्भपतन गर्न मिल्दैन, त्यो सरकारी मान्यता पाप्त स्वास्थ्य संस्थामा गएर गर्भपतन गर्नुपर्ने हुन्छ तर अधिकाशं मान्यताप्राप्त स्वास्थ्य संस्थामा नभई क्लिनिकमा जाने गरेको पाइएको छ ।

उक्त अवसरमा बोल्दै मेरी स्टोप्स्का निर्देशक सत्यजीत प्रधानले तालिम प्राप्त स्वास्थ्यकर्मी र मान्यता प्राप्त स्वास्थ्य संस्थामा पुगेर सुरक्षित गर्भपतन गर्न सुझाव दिए।
स्त्रीरोग बिशेषज्ञ डा. गिरिधारी शर्माले असुरक्षित गर्भपतनले महिलाको ज्यानै जान सक्ने भएकाले सम्वन्धित चिकित्सकसँग परामर्श लिएर सुरक्षित स्थानमा गर्भपतन गर्नुपर्नेमा जोड दिए ।
आईपास नेपालका माधवी बज्राचार्यले सुरक्षित गर्भपतनका लागि गाउँसम्म जनचेतना फैलाउन जरुरी भएको बताइन् । उक्त अवसरमा पत्रकार अतुल मिश्रले नेपालमा स्वास्थ्य क्षेत्रमा छुट्याइएको बजेट न्यून भएको र स्वासथ्य सम्वन्धी समाचारलाई प्राथामिकतामा राख्न समेत आग्रह गरे ।

पत्रकार भरत कोइरालाले स्वास्थ्य क्षेत्रका समाचार कम प्राथामिकतामा पर्ने गरेकाले मोफसलबाट पनि स्वास्थ्यका समाचारलाई प्राथामिकता दिनु पर्नेमा जोड दिए । उक्त अवसरमा थमकुमारी कुँवर लगायतले असुरक्षित गर्भपतनले मानव स्वास्थमा पर्ने असरका बारेमा प्रकाश पारेका थिए ।