लियो क्लबको अध्यक्षमा खत्री

Avatar आदर्श समाज सम्वाददाता
असार २१, २०७६

म्याग्दी ,२१ असार । लियो क्लब अफ बेनी ,म्याग्दीको नयाँ अध्यक्षमा विशाल खत्री चयन भएका छन् । शुक्रबार सदरमुकाम बेनीमा सम्पन्न क्लबको सातौं अधिवेशनबाट बर्ष २०१९ र २० का लागि खत्री सर्वसम्मत रुपमा अध्यक्ष पदमा निर्वाचित भएका हुन् ।

अध्यक्ष खत्रीसंगै नयाँ कार्यसमितिको प्रथम उपाध्यक्षमा झलक जिसी , द्वितीय उपाध्यक्षमा जनक सुनाम , तृतीय उपाध्यक्षमा हरिकृष्ण आचार्य , सचिवमा पदम बिश्वकर्मा , कोषाध्यक्षमा सुजाता खत्री ,टेलटुइस्टरमा आशीक भण्डारी र मिडिया डाइरेक्टरमा राकेश शर्मा निर्वाचित भएका छन् ।

कार्यक्रममा प्रमुख अतिथि लियो क्लबका पूर्व अध्यक्ष भरतबहादुर रकालले निर्वाचित कार्यसमितिलाई बधाई तथा सफल कार्यकालको शुभकामना व्यक्त गरे । रकालले क्लबको नीति सिद्धान्त अनुसार सामाजिक कार्यमा लाग्नु पर्नेमा जोड दिए ।

निर्वाचित अध्यक्ष खत्रीले क्लबको नीति तथा सिद्धान्तको आधारमा सामुहिक सहकार्यमा अगाडी बढ्ने बताए । अध्यक्ष खत्रीले इमानदारिता पूर्वक आफुले पाएको जिम्मेवारी पुरा गर्दै युवालाई लक्षित गरी सामाजिक कार्यमा सक्रिय हुने बताए।कार्यक्रममा निवर्तमान अधयक्ष ईश्वर बरुवालले निर्वाचित अध्यक्ष खत्रीलाई कुर्ची हस्तान्तरण गर्दै २०१८ र १९ को कार्यकाल सफलतापूर्वक सम्पन्न भएको बताए ।

तपाइको विचार व्यक्त गर्नुहोस्

हाम्रो सुझाव

लायन्स क्लबको प्रि जोन मिटिङ सम्पन्न

गौंथली डाँडा हरियाली बन्ने

रोट्राक्ट मिड टाउनले मनायो स्थापना दिवस

ग्रीन टाउनको वृक्षारोपण

बिरौटा साझाको वृक्षारोपण

प्रमुख समाचार

लेखनाथमा भ्यागुताको बिहे

थप प्रमुख समाचार