रुपन्देही, १६ असार । कञ्चन गाउँपालिका भित्र रहेका ७५ जना अपाङ्ग व्यक्तिलाई ह्वील चियर लगायतक सामाग्री प्रदान गरिएको छ ।

अपाङ्ग पुनःस्थापना तथा सामुदायिक विकास केन्द्र अपाङ्गता उत्थान गाउँ समुन्वय समिति बेलभरियाको आयोजनामा अपाङ्ग भएका व्यक्तिहरुलाई सहायक सामग्री वितरण गरेको हो । विशेष जुत्ता,ट्वाइलेट चियर,कानको मोटर ,कृत्रिम पैतला,बैशाखी ,सेतो छडी,साधारण लठ्ठी ,कम्मर बेल्ट र वाल्कर लगायतका सहायक सामाग्री वितरण गरेको छ।

अपाङ्ग पुनःस्थापन केन्द्रका अध्यक्ष टोपलाल भट्टराईको अध्यक्षतामा भएको उक्त कार्यक्रममा विशेष गरि अपाङ्ग व्यक्तिहरुको मनोबल बढाउने र आत्म सम्मानका साथ जिउ सक्ने सक्षम नागरिक खडा गर्ने उदेश्यले यस्ता सामग्री वितरण गरिएको केन्द्रका भट्टराईले जानकारी दिए ।

कार्यक्रमका प्रमुख अतिथि रकञ्चन गाउँपालिकाका अध्यक्ष गोकर्ण बहादुर क्षेत्रीले यस्ता सहायक सामाग्री वितरणले अपाङ्ग व्यक्तिलाई सहज हुने र अरुको भर पर्न नपर्ने भएपछि उनीहरु आफैं सक्षम हुने कुरा बताउदै अवसर पाए ।