बुटवल १३ असार । माध्यमिक शिक्षा परीक्षा एसइई नतिजामा रुपन्देहीवाट १० जना विद्यार्थीले जिपीए फोर ल्याएका छन् ।
जिल्ला शिक्षा इकाइ रुपन्देहीका उपसचिव घनश्याम भुषालका अनुसार बुटवलको एक सामुदायिक विद्यालयबाट एक जना र बाँकी नौ जना संस्थागत विद्यालयवाट नतिजा आएको हो । बुटवलको सामुदायिक विद्यालय कालिका मानव ज्ञान माविबाट सविना सुवेदीले जीपीए फोर प्राप्त गरेकी छिन् । उक्त विद्यालयको समग्रमा नतिजा पनि उत्कृष्ट रहेको विद्यालयले जनाएको छ । बुटवलको एक विद्यालयबाट भने सात जनाले ग्रेड प्वाइन्ट एभरेज जीपीए फोर प्राप्त गरेका छन् ।
बुटवल–११ कालिकानगरस्थित न्यू होराइजन इङ्लिस बोर्डिङ स्कूलबाट सातजनाले जिपिए फोर प्राप्त गरेका हुन् । विद्यालयका अपील चौधरी, क्षितिज डुम्रे, सोदीक्षा कुंवर, रोश्ना टण्डन, प्रवेश आचार्य, सुयल ज्ञवाली र अनुश्का श्रेष्ठले जीपीए फोर प्राप्त गरेको विद्यालयका प्राचार्य लोकनाथ उपाध्यायले जानकारी दिए । सो विद्यालयमा जिपीए ३.९५ ल्याउने पाच जना, जिपिए ३.९ ल्याउने नौ जना रहेका छन् ।
त्यस्तै रुपन्देहीको देवदह इङलिस बोर्डिङ स्कूलबाट एकजनाले जिपिए फोर ल्याएका छन् । सो विद्यालयका गौरव खनालले जिपिए फोर ल्याएको विद्यालयले जनाएको छ । त्यस्तै तिलोत्तमा स्थित सिद्धार्थ इङलिस बोर्डिङ स्कूलका निकिता खनालको पनि जिपिए फोर आएको छ । रुपन्देहीवाट १६ हजार २ सय ८३ जनाले परीक्षा दिएका थिए । समग्रमा रुपन्देहीको नतिजा राम्रो आएको भए पनि सामुदायिक विद्यालयको नतिजामा खासै सुधार नआएको भुषालको भनाई रहेको छ ।
Related News
सम्बन्धित समाचार
राष्ट्रिय माविमा पूर्व विद्यार्थीको सम्मान
हिमालय माविले स्वर्ण महोत्सव मनाउने
‘वन्यजन्तु संरक्षणमार्फत पर्यापर्यटन बढाऔं’
कन्या क्याम्पसमा प्राध्यापकको बिदाइ
पोखरा बहुमुखी क्याम्पसको क्यालेन्डर विमोचन
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१