प्रहरीको बिद्यालय सम्पर्क कार्यक्रम

Avatar आदर्श समाज सम्वाददाता
असार १२, २०७६

म्याग्दी ,१२ असार । जिल्ला प्रहरी कार्यालय म्याग्दीले विद्यालय सम्पर्क कार्यक्रमलाई तिब्रता दिएको छ ।

यसैगरी मंगला गाउँपालिकाको केन्द्र बाबियाचौरमा रहेको मंगला माध्यामिक विद्यालयका विद्यार्थीलाई बालबालिका माथि हुने हिंसा न्युनिकरण तथा कानूनी प्रावधानका बारेमा प्रशिक्षण गराइएको छ । मंगला गाउँपालिकाको आयोजना र जिल्ला प्रहरी कार्यालय म्याग्दीको सहकार्यमा सो कार्यक्रम संचालन गरिएको हो ।

कर्याक्रमको उद्घाटन गर्दै गाउँपालिका अध्यक्ष सतप्रसाद रोकाले बालबालिका माथि हुने शारिरीक,मानशिक हिंसा र यौनजन्य दुव्र्यव्यबहारलाई न्युनिकरण गर्न विद्यार्थीको महत्वपुर्ण भूमिका हुने बताए । बाल अधिकारका बारेमा विभिन्न ऐन बनेपनि चेतनाको कमीले प्रभावकारी कार्यान्वयन हुन नसकेको उनको भनाई छ ।गाउँपालिकाले विद्यालय बाहिर रहेका बालबालिकालाई शिक्षाको पहुँचमा ल्याउन विभिन्न कार्यक्रम संचालन गरिरहेको जानकारी दिए ।

कार्यक्रममा जिल्ला प्रहरी कार्यालय म्याग्दीका प्रहरी नायव उपरीक्षक महेन्द्रप्रसाद मरासिनिले बालबालिका माथि हुने शारिरीक,मानशिक हिंसा तथा यौनन्य दुव्र्यव्यबहार र कानुनी प्रावधानका बारेमा जानकारी गराएका थिए । कार्यक्रममा कक्षा ९ र १० गरी ८५ जना विद्यार्थीको सहभागिता रहेको थियो ।

तपाइको विचार व्यक्त गर्नुहोस्

हाम्रो सुझाव

लमजुङमा विद्यार्थी गुनासो सुनुवाई हुने

विद्यालयलाई टंकी सहयोग

सुरतीको उत्कृष्ट जिपिए विद्यालयको दावी

प्रतिभामा नेपाली हिज्जे

प्रमुख समाचार

परिवर्तन बिरोधीहरु राजतन्त्र फर्काउने कसरतमा छन्– नेपाल