नेपाल बजार विक्री प्रतिनिधि संघको गत जेठ २४ र २५ गते बुटवलमा सम्पन्न पाँचौ राष्ट्रिय महाधिवेशनबाट गण्डकी प्रदेशबाट निर्वाचित पदाधिकारी र सदस्यहरूलाई शनिबार पोखरामा स्वागत तथा सम्मान गरियो।

नेपाल बजार बिक्री प्रतिनिधि संघ गण्डकी प्रदेशको आयोजनामा भएको स्वागत तथा सम्मान कार्यक्रममा गण्डकी प्रदेशबाट निर्वाचित केन्द्रीय उपाध्यक्ष राजन कार्की, केन्द्रीय प्रचार प्रसार सचिव श्रीराम सिग्देल, केन्द्रीय सदस्यहरू केदार राज गौली, प्रताप लामिछाने, गोविन्द भण्डारी र आवान सुवेदीलाई कार्यक्रमका प्रमुख अतिथि नेपाल बजार बिक्री प्रतिनिधि संघका पूर्व केन्द्रीय अध्यक्ष ऋषि अधिकारीले फुलमाला र सम्मान पत्रद्वारा सम्मान गरेका थिए।

सो अवसरमा कार्यक्रमका प्रमुख अतिथि अधिकारीले बजारमा काम गर्ने सबै प्रतिनिधिहरू एकजुट हुन आग्राह गर्दै पेशागत मर्यादालाई ख्याल गरी सोही अनुरुप बजार क्षेत्रका कर्मचारी अगाडी बढ्नु पर्ने बताए।

गण्डकी प्रदेश समिति पोखराका अध्यक्ष गोपाल सापकोटाको अध्यक्षताम भएको कार्यक्रममा संचालन प्रदेशका सचिव माधव अधिकारीले गरेका थिए भने स्वागत मन्तव्य उपाध्यक्ष बद्री घिमिरेले गरेका थिए।