यो वेबसाइट आदर्श समाज राष्ट्रिय दैनिकको आधिकारिक न्युज पोर्टल हो । नेपाली तथा अङग्रेजी भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ।

आदर्श समाज राष्ट्रिय दैनिकको यस क्षेत्रमा आफ्नो छुट्टै पहिचान छ। यस क्षेत्रमा यो एक सर्वाधिक पढिने पत्रिका भएको छ। ‘समुन्नतिका लागि स्वतन्त्र पत्रकारिता’ नाराका साथ अघि बढेको यस पत्रिकाले नारा अनुसार व्यवहारमा पनि स्वतन्त्र रहेर पत्रकारिताको धर्म निर्वाह गरिरहेको छ।

हिले महोत्सवको तयारी तीव्र

श्रीभद्र पौडेल
असार ११, २०७६

मंगलवार हिले महोत्सव स्थल तयार गर्दै हेमजावासी। तस्विरःश्रीभद्र पौडेल/आदर्श समाज

देविस्थान सेवा समाजको आयोजनामा यहि असार १५ गते हुने प्रथम हेमजा हिले महोत्सवको तयारी तीव्र पारिएको छ।

महोत्सवका लागि मंगलवारसम्म तिन हल गोरु व्यवस्थापन गरिसकिएको छ भने स्थानीय देविस्थान टोलमा महोत्सव स्थलको तयारी पनि थालिएको छ।

महोत्सवको सह–प्रायोजकमा कृषि विकास निर्देशनालय गण्डकी प्रदेश रहेको महोत्सवका सह–संयोजक कृष्णमान् श्रेष्ठले जानकारी दिए। जसका लागि ३ रोपनी क्षेत्रफल खेत मंगलवार नै तयार गरिएको छ। कृषक हुनुमा गर्व र हर्ष भएको वताउदै युवा पुस्तालाई कृषितर्फ आकर्षण बढाउने, मेहनति किसानलाई प्रोत्साहन गर्ने तथा स्थानीय विष्णुपादुका मन्दिरमा पर्यटकको आगमन बढाउने उद्देश्यका साथ महोत्सव गर्न लागिएको हो।

महोत्सवका संचालनका लागि रु.पाँच लाख ५० हजार खर्च लाग्ने अनुमान पनि गरिएको छ। महोत्सव अन्र्तगत ४० वर्ष माथिको हिले दौड पुरुष, खुल्ला पुरुष हिले दौड, ३० वर्ष माथिको हिले दौड महिला, खुल्ला महिला हिले दौड, पुरुष/महिला रसी तनाई, घैँटो फुटाउने, धान रोप्ने, मिउजिकल बेलुन, हिले नाँच र गोरु दौड प्रतियोगिता आयोजना गरिएको महोत्सवका संयोजक खिमलाल तिम्सिना(अर्जुन)ले जानकारी दिए।

प्रतियोगितामा प्रथम र द्वितीय हुने व्यक्ति वा समूहलाई नगद पुरस्कार सहित मेडल र प्रमाणपत्र प्रदान गरिने आयोजकले जनाइएको छ। त्यस्तै लोकदोहोरी तथा हास्य कलाकारका प्रस्तुतिहरु पनि रहने बताइएको छ।