चिकित्सकले हाकेको कारको ठक्करले बालकको मृत्यु

Avatar आदर्श समाज सम्वाददाता
असार ७, २०७६

पोखरा, ७ असार । पोखरा–११ फूलबारी स्थित मणिपाल शिक्षण अस्पतालमा कार्यरत चिकित्सक विश्वदीप तिमिल्सेनाले हाकेको कारले ठक्कर दिँदा पोखरा–२८ निवासी साढे तीन बर्षीय वालकको मृत्यु भएको छ ।

जिल्ला प्रहरी कार्यालय कास्कीका प्रहरी निरीक्षक एवं प्रवक्ता गणेश सुवेदीका अनुसार मणिपाल अस्पतालको मोटरसाइकल पार्किङ क्षेत्र नजिकै शनिवार विहान ८.३० चिकित्सक तिमिल्सेनाले हाकेको ग.३ च.४३६ नं को कारले ठक्कर दिँदा पोखरा–२८ माझठाना निवासी साढे तीन बर्षीय वालक संस्कार कँडेलको मृत्यु भएको हो । कारको ठक्करबाट गम्भीर घाइते भएका वालकको मणिपाल शिक्षण अस्पतालमा उपचारकै क्रममा शनिवार विहान १०ं.०० वजे मृत्यु भएको हो ।

कार चालक चिकित्सक विश्वदीप तिमिल्सेना र कार प्रहरी नियन्त्रणमा रहकेो कास्की प्रहरीले जानकरी दिएको छ । प्रहरीको प्रारम्भिक अनुसन्धानबाट मृतक बालकका वावु अस्पताल परिसरको पाकिङ स्थलबाट स्कूटर झिक्ने क्रममा सडक वारिपट्टी रहेकी आमासँग वालक जाने क्रममा कारले ठक्कर दिएको खुलेको छ ।

ती वालक आफ्ना आमावुवासँग अस्पतालमा उपचाररत हजुरआमालाई भेटन पुगेका थिए । वालकका आफन्तले चिकित्सकको लापरवाहीले वाललको मृत्यु भएको भन्दै आक्रोशित बनेका छन् । उनीहरुले चिकित्सकलाई हदैसम्मको कारवाहीको माग समेत गरेका छन् ।

घटनाकै विषयलाई लिएर अस्पताल परिसरमा केही समय मृतकका आफन्त र प्रहरीवप्ीच तनावको स्थिति समेत सृजना हुनुको साथै वालकका आफन्तले शव वुझ्न समेत मानेका छैनन ।

तपाइको विचार व्यक्त गर्नुहोस्

हाम्रो सुझाव

करेण्ट लागेर २ को मृत्यु, १ घाइते

देवि ढकाल मृत फेला

प्रमुख समाचार

परिवर्तन बिरोधीहरु राजतन्त्र फर्काउने कसरतमा छन्– नेपाल