पोखरा, ६ असार । ७० औँ एसओएस बालग्राम अन्तर्राष्ट्रिय स्थापना बर्ष तथा एसओएसका संस्थापक प्रो. डा. हरमन माइनरको १००औँ जन्म जयन्तीको अवसरमा आयोजित सप्ताहव्यापी कार्यक्रम अन्तर्गत पोखरा २२ स्थित लिला आधारभूत विद्यालयमा शैक्षिक तथा खेलकूद सामाग्री प्रदान गरिएको छ ।

एसओएस बालग्राम पोखरा र एसओएस बालग्राम गण्डकीको संयुक्त आयोजनामा सम्पन्न गरिएको कार्यक्रममा विद्यालयमा अध्ययनरत ८४ जना विद्ययार्थीलाई शैक्षिक सामाग्री वितरण गरिनुका साथै विद्यालयका प्रध्यानाध्यापक वेदनाथ बराललाई खेलकूद सामाग्री प्रदान गरिउको हो ।

कार्यक्रमका प्रमुख अतिथि तथा एसओएस बालग्राम गण्डकीका योजना निर्दैशक भगतकुमार श्रेष्ठले एसओएस सामाजिक सेवा केन्द्र अन्तर्गत बर्षेनी सयौँ बालबालिकाहरुलाई शैक्षिक सहयोग गरिँदै आएको जानकारी गराउँदै सामाजिक संघसंस्थाहरु मात्र नभएर सामाजका प्रत्येक नागरिकले जुनसुकै अवस्थाका बालबालिकाकालाई विद्यालयसम्म पु¥याउन र टिकाई राख्न मद्दत गर्नुपर्ने धारणा राखे ।

उनले एसओएस बालग्राम बालबालिकाको सन्दर्भमा सबैसरोकारवालासँग हातेमालो गर्दै सहकार्य गर्दै जाने प्रतिवद्धता पनि ब्यक्त गरे । कार्यक्रममा विद्यालयका प्रध्यानाध्यापक वेदनाथ बराल तथा विद्यालय व्यवस्थापन समितिका अध्यक्ष मीनबहादुर बि.क,कार्यक्रम संयोजक तथा एसओएस बालग्राम पोखराका योजना निर्देशक लोब्साङ्ग ग्याल्सेले आफ्ना धारणा राखेका थिए ।

लिला आधारभूत विद्यालयका शिक्षक तारानाथ पौडेलले स्वागत मन्तब्य राखेको कार्यक्रमलाई एस एसओएस बालग्राम गण्डकीका सिनियर काउन्सिलर सुमन बरालले संचालन गरेका थिए ।