म्याग्दी, ५ असार । जिल्लाका दुर्गम गाउँका विद्यालयमा सेनेटरी प्याड वितरण गरिएको छ । महिनावारी हुँदा छात्राहरुको विद्यालय नजाने समस्या हटाउन त्यस्तो प्याड वितरण गरिएको हो । धवलागिरि गाउँपालिकाले विद्यालयमा पुगेर स्थानीय उद्यमीले तयार पारेका कपडाको सेनेटरी प्याड प्रदान गरेको हो ।

गाउँपालिकाको मुना, ताकम, मुदी,मराङ र मल्कवाङ वडाका विद्यालयमा अध्ययनरत छात्राहरुलाई सेनेटरी प्याड उपलब्ध गराइएको गाउँपालिकाले जनाएको छ ।महिनावारीको समयमा छात्राहरु विद्यालय नआउने समस्या हटाउन सेनेटरी प्याड वितरण गरिएको गाउँपालिका अध्यक्ष थमसरा पुनले बताईन ।

महिनावारीको समयमा छात्राहरु विद्यालय अनुपस्थित हुने समस्याले उनीहरुको पढाईमा ठुलो असर पर्ने गरेको छ,अध्यक्ष पुनले भनिन् ।’ आधाभूत कक्षा आठ देखी कक्षा दश सम्मका ६ सय १४ जना किशोरीहरु मध्ये ५ सय १४ जनालाई सेनेटरी प्याड प्रदान गरिएको अध्यक्ष पुनले जानकारी दिइन् ।