याग्दीको मंगला गाउँपालिकाले यहाँका युवायुवतीलाई लोक सेवा तयारी तालिम प्रदान गरेको छ।

गाउँपालिकाको आर्थिक सहयोग र हेमन्त मल्टी एजुकेशन सिर्भिस प्रालि बागलुङको व्यवस्थापनमा १७ दिने लोक सेवा तयारी कक्षा सञ्चालन गरिएको हो।

तयारी कक्षा समापन गर्दै गाउँपालिका अध्यक्ष सतप्रसाद रोकाले गाउँपालिकाका युवाहरुलाई सरकारी सेवाप्रतिको आकर्षण बढाउन लोक सेवा तयारी कक्षा सञ्चालन गरिएको बताए। तालिमले लोक सेवा आयोगको परीक्षामा युवाको आकर्षण बढाउनुका साथै सहभागीहरु निजामती सेवा प्रवेशमा सफल हुनसक्ने अपेक्षा लिएको बताए। गाउँपालिकाका युवालाई सरकारी सेवा प्रवेश सहज गराउनका लागि गाउँपालिकाले आर्थिक वर्ष २०७५र०७६ को स्वीकृत बजेट नीति तथा कार्यक्रममार्फत कक्षा सञ्चालन गरिएको गाउँपालिकाका प्रमुख प्रशासकीय अधिकृत कृष्णप्रसाद गौतमले बताए ।

तालिममा राजप्रजातान्त्रिक द्वितीय श्रेणी (खरिदार) को पाठ्यक्रमबारे प्रशिक्षण दिइएको थियो।

सहभागीलाई लोक सेवा पाठ्यक्रम, शैक्षिक सामग्री निःशुल्क उपलब्ध गराइएको थियो। तालिममा उत्कृष्ट भएका दिनेश ढकाल र ऋतु नेपाललाई सम्मान पनि गरिएको थियो। कार्यक्रममा सहभागीतर्फबाट ढकाल, नेपाली र सोनिया आचार्यले लोक सेवा तयारी कक्षाले आफूहरुलाई धेरै ज्ञान मिलेको र लोक सेवा पढ्नुपर्दछ भन्ने प्रेरणा मिलेको बताए।

तालिममा ३५ जना युवायुवती सहभागी थिए। तालिमको सहजीकरण गाउँपालिकाका प्रशासकीय अधिकृत कृष्णप्रसाद गौतम, लेखा अधिकृत लेखनाथ अधिकारी, जलजलाका प्रमुख प्रशासकीय अधिकृत अर्जुन शर्मा र बागलुङका प्रेम शर्माले गरेका थिए।