पोखरा लेडी जेसीजको सप्ताहव्यापी कार्यक्रम

Avatar एजेन्सी
असार ४, २०७६

पोखरा लेडी जेसिज वर्ष–२०१९ को सप्ताहव्यापी कार्यक्रमअन्तर्गत भरतपोखरीको सरस्वती टिका माविका बौद्विक अपाङ्गता भएका बालबालिकाहरुका लागि मनोरञ्जनात्मक सामग्रीसहित ६ सिट क्षमताको घुम्ने पिङ सहयोग गरिएको छ।

त्यस्तै, पोखरा– १५ टुटुगांस्थित आरोग्य आश्रममा रहेका वृद्ववृद्वालाई खाद्यान्न सहयोग गरियो। जेसीजले मंगलवार छुट्टाछुट्टै कार्यक्रम गरी सहयोग हस्तान्तरण गरेको हो।

कार्यक्रममा पोखरा – ३३ का वडाध्यक्ष शिवप्रसाद आचार्य, पोखरा–१५ का वडाध्यक्ष प्रकाश पौडेल, सरस्वती टीका मावि व्यवस्थापन समिति अध्यक्ष ऋषिराज आचार्य, पोखरा जेसिजका पूर्व अध्यक्ष नारायण शर्मा, जेसिज सप्ताहकी मूलसंयोजक शोभा भुजेल, कार्यक्रम संयोजकद्वय सुनिता भुजेल र शोभा घर्तीलगायतले बोलेका थिए।

कार्यक्रम पोखरा लेडी जेसीज वर्ष–२०१९ अध्यक्ष सपना गिरीको अध्यक्षतामा भएको थियो।

‘सामाजिक उत्तरदायित्वमा महिला अग्रसरता, प्रभावकारी नेतृत्व आजको आवश्यकता’ भन्ने मूल नाराका साथ जेठ ३१ देखि पोखरा लेडी जेसीजले सप्ताहव्यापी कार्यक्रम गर्दै आएको छ।

तपाइको विचार व्यक्त गर्नुहोस्

हाम्रो सुझाव

नागढुंगामा सिसी क्यामेरा जडान

गण्डकीको बीमा रकम भुक्तानी

आँखादान कार्यक्रम आज

पिस पोस्टर प्रतियोगिता

प्रमुख समाचार

प्रदेश प्रमुख प्यासीलाई जन्मथलोमा स्वागत

थप प्रमुख समाचार