स्वच्छ वातावरण सम्वन्धी कलाकारको प्रर्दशनी

एजेन्सी
असार २, २०७६
batabaran photo_Fotor

पोखरा, १ असार। स्वच्छ वातावरण अभियानलाई सार्थक तुल्याउनको लागि शनिबार पोखरामा कलाकार सहितको सडक प्रर्दशनी तथा सरसफाई कार्यक्रम सम्पन्न भएको छ।

वन तथा वातावरण मन्त्रालय वातावरण विभाग काठमाडौंको आयोजना तथा सांस्कृतिक संस्थान (राष्ट्रिय नाचघर) को प्रस्तुतिमा भएको कार्यक्रममा विभिन्न कलाकारहरुबाट वातावरण सम्बन्धी नाटक तथा गीत प्रस्तुत गरिएको थियो।

कार्यक्रममा उद्योग पर्यटन वन तथा वातावरण मन्त्री विकास लम्सालले उद्घाटन गरेका थिए। उनले सबैको विकल्प भएपनि वातावरणको विकल्प नहुँदा यसलाई सफा राख्न सबैलाई आग्रह गरे। ‘वातावरण स्वच्छ राखेनौं भने मानव जीवन पाउन सक्दैनौं, ’ उनले भने, ‘वर पिपल मासिँदैछ। मानवबस्ती पनि अतिक्रमण भएको अवस्थामा यसलाइ जोगाउन सबै लाग्नुपर्ने हुन्छ। ’ उनले गण्डकी प्रदेशका जिल्लाहरुमा बाटिका बनाएर बरपिपल रोप्ने तयारी रहेको सुनाए। ‘यसको संरक्षणको लागि ऐन ल्याएका छौं। कार्यान्वयन गराउने छौं, ’ उनले भने।

गण्डकी प्रदेश सांसद राजिप पहारीले घरटोलमा फोहोर फ्याक्नेलाई सामाजिक रुपमा बहिष्कार गर्ने अभियान चलाउनुपर्ने बताए। ‘त्यस्तो अभियान चलाइयो भने अनिमात्र बल्ल स्वच्छ सहर बन्नेछ, ’ उनले भने, ‘अब सबैले एउटा घर बनाउँदा तीन वटा रुख रोप्ने प्रण गर्नुपर्छ। पोखरा सहर अहिले कङक्रिड जस्तो भएको छ। रुख विरुवा मासिँदै छन्। यसलाई सफा र स्वच्छ बनाउन सबै लागौ। ’

कार्यक्रममा वडा न ६ का वडा अध्यक्ष जगतबहादुर पहारी, युवा नेता मनकुमार श्रेष्ठ, नेपाल रेडक्रस सोसाइटी कास्की सदस्य मंगल नेपाली, साँस्कृतिक संस्थानका प्रमुख प्रभाकरदेव शर्माले बोलेका थिए। कार्यक्रमको सञ्चालन गायक जीवन दाहालले गरेका थिए।

Related News

सम्बन्धित समाचार

  • सञ्जीवले ल्याए ‘जून ओर्लेको रात’

    आदर्श समाज सम्वाददाता चैत्र ११, २०८०
    पोखरा । कवि सञ्जीव पौडेलको कवितासंग्रह ‘जून ओर्लेको रात’ बजारमा आएको छ । शनिबार पोखरामा आयोजित दौंतरी कार्यक्रममा उक्त कृति…
  • ‘प्रिया !’ मुक्तक संग्रह लोकार्पण

    आदर्श समाज सम्वाददाता चैत्र ११, २०८०
    पोखरा । उपप्राध्यापक सुरज पौडेलद्वारा लिखित ‘प्रिया !’ मुक्तक संग्रह लोकार्पण गरिएको छ । सिर्जनशील लोकतान्त्रिक प्रतिष्ठान पोखरा आयोजनामा शनिबार…
  • फेवाताल किनारमा चित्ताकर्षक ओडिसी नृत्य

    आदर्श समाज सम्वाददाता चैत्र १०, २०८०
    पोखरा । नेपाल र भारतको समृद्ध सांस्कृतिक सम्पदा मनाउन पोखरामा शनिबार साँझ भारतीय शास्त्रीय ओडिसी नृत्य र नेपाली लोकनृत्य प्रस्तुत गर्दै…
  • कर्मचारी युनियन कास्कीको क्यालेन्डर

    आदर्श समाज सम्वाददाता चैत्र ९, २०८०
    पोखरा । नेपाल निजामती कर्मचारी युनियन कास्कीले विसं २०८१ को क्यालेन्डर निकालेको छ । शुक्रबार पोखरा आयोजित शुभकामना आदानप्रदान कार्यक्रममा…
  • जसुलाई रोटरी भोकेसनल एक्सिलेन्स अवार्ड

    आदर्श समाज सम्वाददाता चैत्र ५, २०८०
    पोखरा । पोखराकी जसु गुरुङ १ लाख राशिको रोटरी भोकेसनल एक्सिलेन्स अवार्डबाट सम्मानित भएकी छन् । महिलालाई सामाजिक सेवामा प्रोत्साहित…

hero news full width