म्याग्दी, १ असार । पर्यटकीय र ब्यापारिक केन्द्रको प्रचुर सम्भावना रहेका मुस्ताङमा कालीगण्डकी करिडोर अन्तर्गत बेनी– जोमसोम सडक आयोजना निर्माण कार्यमा ढिलासुस्ती देखिएको छ।
प्रदेश ४ को “लाईफ लाईन” मानिएको ४३५ किलोमिटर दुरीको त्रिवेणी–कोरला जोड्ने कालीगण्डकी करिडोर सडक योजनामा निर्माण काम भईरहेपनि पूर्वाधार निर्माणमा ढिलासुस्तीले समयमा काम सम्पन्न नहुने भएको हो ।
करिडोर पाँच अर्ब रुपैयाको लागतमा म्याग्दीको बेनी देखि मुस्ताङको जोमसोम हुदै चीनको सिमाना कोरला नाका जोड्ने १८६ किलोमिटर दुरीको सडक स्तरोन्नतिको काम भइरहेको छ ।
गण्डकी प्रदेशको गौरवको आयोजना २०७७ मंसिरसम्म सम्पन्न गर्नुपर्ने बेनी जोमसोम सडक अन्तर्गत गलेश्वर देखि नारच्याङका सडक निर्माणको ठेक्का लिएको युनाईटेड विल्डरले ४२ प्रतिशत काम सम्पन्न गरेको साइर्ड प्रमुख बलराम अर्यालले जानकारी दिए ।
अर्यालले २२ महिनाभित्र काम सम्पन्न गर्न सडक निर्माणमा आवश्यक मेशिनरी साधनहरु प्रयाप्त मात्रामा प्रयोग गरेको जानकारी दिएपनि श्रमिक जनशक्ति कम प्रयोग र सहज क्षेत्रमा पुर्वाधार निर्माणको कामले मात्र समयमा काम सम्पन्न नहुने देखिन्छ ।
जोमसोम देखि कोरला सम्मको सडकलाई दुई लेनको ग्राभेल र बेनी–जोमसोम सडकलाई दुई लेनको कालोपत्रे गर्ने योजना २०७७ मंसिरसम्म सम्पन्न गर्ने लक्ष्य छ । ११ वटा खण्डमा बिभाजन गरिएको सडक योजनामा परिचालित निर्माण कम्पनीले मोटरेपुल निर्माण लगायतको पूर्वाधार निर्माणमा ढिलासुस्ती गरेका छन् । सडक निर्माणमा गुणस्तर भन्दापनि जथाभावि मेसिनरी सामानहरु प्रयोग गरेर कमाउने शैली मात्र देखिन्छ । श्रमिकसंख्या न्युन परिचालन गरेर समयमा करिडोर सम्पन्न नहुने स्थानीय सरकारले बताउछन् ।
सडक निर्माण निस्केको ढुङ्गा र माटो जथाभावि फाल्नाले बर्खायाम लागेसंगै, जोखिमयुक्त ठाउँमा पर्खाल नलगाउनाले पहिरो र पुल समयमा नबन्दा खोलाहरु बढ्दा गाडी रोकिने समस्याले पर्यटकीयस्थल हिमालपारीको जिल्ला जाने पर्यटकलाई सास्ती भएको छ ।
कालीगण्डकी कोरिडोर सडकको स्तरोन्नति समयमा सम्पन्न गरेर प्रदेशको समृद्धिको यात्रालाई टेवा पूग्ने आश गरिएपनि ठेकेदारको बेवास्ता, प्रयाप्त बजेट र भौगोलिक बनावटमा कामदारको न्यून संख्याले कालिगण्डकी करिडोर सडक योजना समयमा सम्पन्न नहुने देखिन्छ ।
धिरन खत्री
Related News
सम्बन्धित समाचार
प्रदेश सरकार उलटपुलट
दृष्टिविहीनलाई बाटो देखाउँदै गुगल
रुपाको अस्पताल र स्वास्थ्य बिमा बोर्डबीच सम्झौता
युनाइटेडद्वारा शैक्षिक तथा खेल सामग्री वितरण
रुपाको अस्पताल र स्वास्थ्य बिमा बोर्डबीच सम्झौता
hero news full width
मुख्य समाचार
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१