स्पेन र नवेर्ले खेल जित्यो

फिफा महिला विश्वकप

Avatar आदर्श समाज सम्वाददाता
जेठ २७, २०७६

फिफा महिला विश्वकपअन्तर्गत शनिवार राति भएको खेलमा नर्वे र स्पेन विजयी भएका छन्। स्पेनले दक्षिण अफ्रिका र नवेर्ले नाइजेरियामाथि जित निकालेको हो।

उपाधिको दाबेदार टिम स्पेनले दक्षिण अफ्रिकालाई ३–१ गोलले हरायो। स्पेनले दक्षिण अफ्रिकाको १ गोलको अग्रतालाई उल्ट्याउँदै खेललाई आफ्नो पक्षमा पार्यो। खेलको २५ औं मिनेटमा गाट्लानाले गोल गर्दै दक्षिण अफ्रिकालाई अग्रता दिलाएका थिए।

पहिलो हाफसम्म १ गोलको अग्रता कायम राखेको दक्षिण अफ्रिकाको खेल दोस्रो हाफमा खस्कन पुग्यो। दोस्रो हाफमा स्पेनले २० मिनेटभित्र ३ गोल फर्काउन सफल भयो। स्पेनिस टोलीका लागि २ गोल पेनाल्टीबाट भएको थियो।

७० औं र ८३ औं मिनेटमा जेनिफर हेरमोसोले पेनाल्टीबाट २ गोल गरेपछि स्पेन खेलमा फर्किएको थियो। त्यसपछि, ८९ औं मिनेटमा लुसिया गार्सियाले स्पेनका लागि तेस्रो गोल गरिन्। दक्षिण अफ्रिका ८२ औं मिनेटमा १० खेलाडीमा झर्न पुगेको थियो। उसकी भिलाकाजी दोहोरो पहेलो कार्ड खाँदै मैदानबाट बाहिरिएकी थिइन्।

अर्को खेलमा नवेर्ले नाइजेरियालाई ३–० ले हरायो। नवेर्का लागि रेइटेल र उट्लान्डले १–१ गोल गरे। नवेर्ले १ सूसाइड गोल उपहार पाएको थियो।

तपाइको विचार व्यक्त गर्नुहोस्

हाम्रो सुझाव

प्रमुख समाचार

रुपन्देहीमा गोली चल्यो, १ को मृत्यु