पर्वतमा अपाङ्गता भएका व्यक्तिहरु सहकारीप्रति आकर्षित

Avatar आदर्श समाज सम्वाददाता
जेठ २६, २०७६

पर्वत, २६ जेठ । अपाङ्गगता भएका व्यक्तिहरुले आफ्नो हक अधिकारसंगै आर्थिक रुपमा शसक्त बन्नका लागि सहकारीमा आवद्ध हुन आवश्यक रहेको बताएका छन् ।

नेपाल अपाङ्गग उत्थान समाज पर्वतको अगुवाईमा पर्वतमा रहेका सम्पूर्ण अपाङ्गगता भएका व्यक्तिहरुलाई सहभागी गराई सहकारीमार्फत आर्थिक तथा सामाजिक रुपान्तरणका क्षेत्रमा काम गर्ने उनीहरुले बताएका छन ।

नेपाल अपाङ्गग उत्थान समाज पर्वतले आइएनएफ कास्की कलष्टरको सहयोगमा कुश्मामा आयोजना गरेको ३ दिने सहकारी व्यवस्थापन तथा लेखापालन तालिम समापनका क्रममा सहभागीहरुले सहकारीमा आवद्ध भएर अगाडि बढ्ने प्रतिवद्धता व्यक्त गरेका हुन् ।

कुश्मा नगरपालिका र मोदी गाउँपालिकामा गठित १४ वटा समुहका ३० जनाको सहभागिता रहेको तालिमका सहभागीहरुले समुहमार्फत संकलन गर्दै आएको रकमलाई संस्थागत गर्दै अगाडि बढ्ने बताएका हुन् । समुहका सदस्यहरु मिलेर मासिक १ सय रुपैया जम्मा गर्दै आएका उनीहरुले १६ लाख रकम जम्मा गरिसकेका छन् ।

पर्वत जिल्लाका साविक ६१ वटै गाविसमा अपाङ्गगता भएका व्यक्तिहरुको सञ्जाल रहेको र सबैलाई समेटेर सहकारी गठन गरी वित्तीय लगायत क्षमता विकासका काम गर्ने लक्ष्यका साथ तालिम आयोजना गरिएको नेपाल अपाङ्ग उत्थान समाज पर्वतका कार्यक्रम संयोजक जगन्नाथ शर्माले बताए ।

अपाङ्गगता भएकाहरुलाई समाज गरिने व्यवहारमा परिवर्तन ल्याउन तथा आर्थिक रुपमा आत्मनिर्भर हुनका लागि सहकारी उपयुक्त र प्रभावकारी माध्यम रहेको उनीहरुले बताए । हामीलाई सहकारी बारे पहिला थाहा भएन, अहिले जानकारी भयो, अब सहकारीमार्फत फरक क्षमता भएकाहरुको आर्थिक विकासमा हामी जुट्छौ, तालिमका सहभागी पारसमणी सुवेदीले भने ।

अपाङ्गता भएकाहरु र उनीहरुका परिवारका सदस्यहरुको सहभागिता रहेको तालिमका सहभागी लक्ष्मी शर्माले सहकारीले सबै सदस्यलाई मालिक बनाउने भएकाले आफु सदस्य भएको सहकारीमा कारोबार गरेर थप आयआर्जन गर्न सकिने भएकाले सहकारी आवश्यक रहेको बताए । उनले अहिले अरुले सञ्चालन गरेका सहकारीमा कारोबार गरेका छौ, अब हाम्रो आफ्नैै सहकारी बनाएर अगाडि बढ्न पर्छ ।

तालिममा सहकारीको उदेश्य, आवश्यकता, महत्व र यसबाट हुने फाइदा लगायत सहकारी सञ्चालन प्रक्रियाका विषयमा राष्ट्रिय सहकारी बैंकका सञ्चालक रामबहादुर जिसीले सहजीकरण गर्नु भएको थियो ।

तपाइको विचार व्यक्त गर्नुहोस्

हाम्रो सुझाव

विद्युतीय भुक्तानीमा १० प्रतिशत कर फिर्ता

मन्टेसरी एशोसिएसनद्वारा शैक्षिक सामग्री वितरण

बीरेठाँटीमा पशु स्वास्थ्य शिविर

१५ जना किसानलाई ब्याड बोका वितरण

प्रमुख समाचार

पत्रकार महासंघमा तालावन्दी