मानव मिलन नारी जागरणको सहयोग

Avatar आदर्श समाज सम्वाददाता
जेठ २६, २०७६

मानव मिलन नारी जागरण नेपालले शाारीरिकरुपमा अशक्त पोखरा भलामका ५४ वर्षका चेतबहादुर गुरुङलाई सहयोग गरेको छ।

बाल्यकालदेखि नै शारीरिकरुपमा अशक्त गुरुङले हातको सीपले बुन्ने डोको, नाम्लो, लगायत बाँस, निगालोबाट बुन्ने सामाग्री बिक्री गर्न सहजहोस् भनी संस्थाले फलाम र जस्तापाताको ट्रस्ट निर्माण गरिदिएको हो।

हिँडडुल गर्न नसके पनि चेतबहादुरले हातको सहयोगले बाँस, निगालोको चोया काडेर विभिन्न सामग्री बनाउँदै आएका छन्। हालसम्म उनले आफ्नै घरबाट यस्ता सामग्री गाउँलेहरुका लागि बनाउँदै आएका छन्।

ट्रस्ट पाएपछि चेतबहादुरले खुसी हुँदै भने, ‘अहिलेसम्म तल घरमै यस्ता सामग्री बनाउँदै आएको थिएँ। धेरैले थाहै पाउँदैनथे। अब त बाटोमै भयो। गाउँले बाहेक बाटो हिड्नेले पनि मेरो सामान किन्लान्, दुई पैसा भनेनी कमाउँछु। ’

प्रमुख अतिथि संस्था सल्लाहकार समाजसेवी सरस्वती गुरुङले ट्रष्टपछि चेतबहादुरको आयआर्जनमा परिवर्तन आउने विश्वास व्यक्त गरिन्। ‘समाजमा आफ्नो लागि बाँच्नेको मरण हुन्छ र अरुको लागि पनि बाँच्नेको स्मरण हुन्छ, ’ गुरुङले भनिन्, ‘चेतबहादुर दाइ हिँडडुल गर्न नसकेर के भो र, उहाँसँग सीप छ अब उहाँको सीप बिक्रीका लागि ठाउँ बनेको छ। ’

संस्था अध्यक्ष सविता बराल, प्रभा गौतम, कमला गिरीले महिलाहरु मिलेर समाज परिवर्तन गर्न ब्यक्तिगत खर्चमा यस्तो सहयोग गर्दै आएको बताए।

तपाइको विचार व्यक्त गर्नुहोस्

हाम्रो सुझाव

संगीत पाठशालालाई मेलोडीको सहयोग

भिजन मण्टेश्वरी टिचर्स ट्रेनिङको वार्षिकोत्सव

उपचार नाममा धर्म परिवर्तन, पुन पक्राउ

फोनिजको स्थापना दिवस : पुराना मानसिकता बदल्नुपर्छ : मेयर

प्रमुख समाचार

खुत्रुकेको पैसा आश्रममा

थप प्रमुख समाचार

बिश्व फोटोग्राफी दिवस प्रभातफेरी

टोलवासीको मन जित्न आग्रह

६ अधिकृत सहित १८ कर्मचारी छड्केमा