केपी नेतृत्व सरकार भ्रष्टाचारमा लिप्त– काँग्रेस नेता महत

आदर्श समाज सम्वाददाता
जेठ २५, २०७६
nc

पोखरा, २५ जेठ । नेपाली काँग्रेसका सह–महामन्त्री डा.प्रकाशशरण महतले केपी नेतृत्व नेकपाको सरकार भ्रष्टाचारमा लिप्त रहेको आरोप लगाएका छन् ।

नेपाली काँग्रेस केन्द्रीय कार्यसमितिको निर्णय अनुसार हिमाल पहाड तराई–मधेश नेपाली काँग्रेस राष्ट्रिय जागरण अभियान अन्तरगत कास्की काँग्रेसद्वारा शनिवार आयोजित प्रथम चरणको समापन कार्यक्रममा बोल्दै उनले यस्तो आरोप लगाएका हुन् ।

सरकारमा रहेका मन्त्रीले भष्ट्राचार गर्छ, तर सरकार उनीहरुको प्रतिरक्षामा उत्रिन्छ, सहमहामन्त्री महतले भने–वर्तमान सरकारले संस्थागत भ्रष्टाचारको बाटो अगालेको छ । बर्तमान सरकारका मन्त्री तथा नेताले लाखमा हैन करोड र अरबको भष्ट्राचार गरिरहेको आरोप उनको छ ।केपी नेतृत्वको नेकपा सरकार आफै अनियमितता गर्छ, अनि आफ्नै नेतालाई छानविन समितिमा राख्छ अनि कसरी कारवाही हुन्छ महतले भने ।

वर्तमान सरकारले प्रेसमाथि आक्रमण गरी अभिव्यक्ति स्वतन्त्रता खोस्न खोजेको छ, नेता महतले भने–पूर्ण प्रेस स्वतन्त्रता प्रति नेपाली काँग्रेस प्रतिवद्ध छ र संसदमा लगिएको प्रेस काउन्सिल विधेयक पारित हुन काँग्रेसले दिने छैन ।

नेपाली काँग्रेसका केन्द्रीय सदस्य तथा कास्की प्रतिनिधि अर्जुनप्रसाद जोशीले जागरण अभियानले नयाँ सन्देश दिएको बताए । अभियानमा केन्द्र तात्न ढिला ग¥यो तर गाउँ पहिलेनै जागिसेकेको रहेछ, उनले भने— वर्तमान सरकारको वितृष्णाले गाउँगाउँका जनताले काँग्रेस खोजेका छन् ।

पोखराको पृथ्वीचोकबाट शुरु भएको ¥याली नयाँबजार, महेन्द्रपुल हुदै चिप्लेढुंगा स्थित विपी चोकमा पुगेर सभामा परिण भएको थियो । वैशाख २५ गते बाट शुरु भएको पहिलो चरणको अभियान देशका ७७ वटै जिल्लामा एक महिना चलेको थियो । शनिबार देशभरनै विविध कार्यक्रमको आयोजना गरेर प्रथम चरणको जागरण अभियान कार्यक्रम समापन गरिएको छ । नेपाली काँग्रेस कास्कीका सभापति कृष्ण केसीको अध्यक्षतामा भएको कार्यक्रमको सञ्चालन सचिव सुदीपमोहन भट्टराईले गरेका थिए ।

Related News

सम्बन्धित समाचार

    • एमालेलाई जीत जोगाउनै सकस

      धनबहादुर गुरुङ जेठ ५, २०७९
      पोखरा । पोखरा महानगरको अघिल्लो चुनावमा दुइतिहाइ वडा जितेको नेकपा एमालेलाई यसपालि विगतको विरासत जोगाउनै मुस्किल परेको छ । यसपालिको…
    • जहाँ पुरानो जीत दोहोरिएन…

      आदर्श समाज सम्वाददाता जेठ ३, २०७९
      पोखरा । पहिले जितेका पालिकामा अधिकांश कांग्रेसलाई नोक्सान भएको छ । केही पालिकाहरुमा सत्ता गठबन्धनबीचको प्रतिस्पर्धाका कारण एमालेले नाफा कमाएको…
    • तनहुँमा एमाले ७, कांग्रेस ५, माओवादी २ वडामा निर्वाचित

      रासस जेठ १, २०७९
      तनहुँ । तनहुँमा नेकपा एमाले ७, नेपाली कांग्रेस ५ र नेकपा माओवादी केन्द्र दुई वडामा विजयी भएको छ । एमालेबाट…
    • पोखराको मेयरमा एकीकृत समाजवादीको अग्रता

      विजय नेपाल जेठ १, २०७९
      पोखरा, १ जेठ । पोखरा महानगरपालिकाको मेयरमा सत्ता गठबन्धनका उम्मेदवारले अग्रता लिंदा उपमेयरमा एमालेले अग्रता कायम राखेको छ । आइतबार…
    • पोखरामा एकीकृत समाजवादीको अग्रता कायमै

      रासस जेठ १, २०७९
      गण्डकी । पोखरा महानगरपालिकाको मतगणनामा नेकपा (एकीकृत समाजवादी) ले अग्रता कायम राखेको छ ।जारी मतगणनामा भएको एक हजार १०० मतको…

    hero news full width