बैदामका आमाले तयार पारे कोदोको केक

आदर्श समाज सम्वाददाता
जेठ २५, २०७६
news photo (1)

पोखरा । पोखरा–६ खहरे आमा समुहले खाद्य परिकार तथा झोल साबुन बनाउने तालिम लिएका छन् ।

पोखरा महानगरको आर्थिक सहयोगमा खहरे आमा समूहले ५ दिन तालिम दिएको हो । उक्त तालिममा ४० जना स्थानीय महिलाले सहभागिता रहेको र तालिम शारदा गौतमले दिएकी छन् ।

समुहले कोदो, चामल, गहुँको पिठाबाट केक, निम्किन, पुरीका साथै केरा, आँफ, जागर, खुर्सानी, काक्रा जस्ता तरकारी तथा फलफुलहरुबाट जुस, अचार, तयार पारेका छन् ।

तालिम समापनको कार्यक्रममा शुक्रबार पोखरा–६ का वडाध्यक्ष जगतबहादुर पहारी, वडा सदस्य विष्णुबहादुर भट्टराई, राममाया विश्वकर्मा, पोखरा महानगरपालिकाक सूचना अधिकारी गंगालाल सुवेदी, नागरिक समाज पोखराका अध्यक्ष विष्णुहरि अधिकारी, वडा सचिव सविता ढुंगाना, खहरे टोल विकास समितिका उपाध्यक्ष तथा पश्चिमाञ्चल होटल संघका महासचिव गणेशराज पहारी, सामुदायिक सेवा केन्द्र वैदामकी अध्यक्ष मीना भट्टराई लगाएतले तालिम लिए पछि तालिमको सदुपयोग गर्नुपर्नेमा जोड दिएका थिए ।

तालिममा एक महिनासम्म नविग्रने अचारको साथमा ९० लिटर झोल साबुन बनाएका छन् । उक्त अचार तथा झोल साबुन विक्रीका लागि समूहका सदस्यहरुको पसलमा राखिने वताइएको छ ।

अवसरमा वडा सदस्य विष्णुबहादुर भट्टराइले समुहका गतिविधिलाई निरन्तरता दिन दश हजार रुपैयाँ आर्थिक सहयोग गरेका छन् । खहरे आमा समुहकी अध्यक्ष मैया भट्टराई थापाको अध्यक्षतामा भएको कार्यक्रममा स्वागत उपाध्यक्ष अञ्जना पहारीले र संचालन सचिव पम्फा थापाले गरेकी थिइन् ।

Related News

सम्बन्धित समाचार

hero news full width