असार नजिकिँदै छ। आर्थिक वर्ष अन्त्यतिर अधिकांश निर्माणका कामको ठेक्का लाग्छ, यो पुरानै रोग हो। एकसाता अघि पोखराको पृथ्वीचोक वरिपरि नाला खनियो। संघीय कार्यान्वयन इकाइले हाल भइरहेको नाला सार्न सरस्वती निर्माण सेवालाई ४२ लाख रुपैयाँमा ठेक्का दियो। कोरिडोर सुधार शीर्षकबाट सडक डिभिजन कार्यालयसँगको समन्वयमा काम गरिएको इकाइ प्रमुख नारायण भण्डारीले बताए। तर नाला खनेर नसकिँदै भोलिपल्टै पुरिएको छ।
‘सडक डिभिजनसँग सल्लाह गरेरै नाली खनिएको हो। अहिले मापदण्ड पुगेन भन्नुभयो। त्यसैले पुरेका हौं,’ उनले भने, ‘अब अर्को ठाउँबाट काम गरौंला।’ नाला खन्न र पुर्नमात्रै ठेकेदारले ४ लाख हाराहारीमा खर्च भैसकेको दाबी गरेका छन्। अहिलेसम्मको खर्च कार्यालयको विविध शीर्षकबाट मिलान गराउने भण्डारीले बताए। ‘काम थाल्ने बेलामा अहिले भइरहेको ठाउँबाट नाला बनाउन भन्नुभयो। खनेर सकेपछि मापदण्ड पुगेन भनेर रोक्नुभयो। डिभिजन कार्यालयकै निदेर्शनपछि त्यत्तिकै पुरिएको हो,’ इञ्जिनियर सूर्य बरालले भने, ‘अनावश्यक ठाउँमा पैसा खर्च भयो।’ यसबारे आदर्श समाज दैनिकले केही समय अघि समाचार प्रकाशन गरेको थियो।
‘डिभिजन सडक कार्यालयका प्रमुख हरिकुमार पोखरेलले मापदण्ड नपुगेपछि काम रोकेको बताए। राजमार्गमा हेर्ने सडकले हो। संघीय कार्यान्वयन इकाइको खातामा पैसा रहेछ। काम गर्छु भन्नुभयो। रोक्ने कुरा भएन,’ उनले भने, ‘तर पैसा छ भन्दैमा जता पायो उतै खनेर त भएन नि। सेन्टरलाइनबाट १५ मिटर न्यूनतम मापदण्ड हुनुपर्छ। अहिले २ मिटर सारेर काम छैन।’ एशियाली विकास बैंक (एडीबी) ऋण सहयोगमा पोखरादेखि मुग्लिनसम्मको सडक ४ लेनको बन्दैछ। शहरी क्षेत्रमा ६ लेनको सडकसहित ड्रेन निर्माण गरिनेछ। तर केही सरकारी कार्यालयहरुले आफूखुसी टेण्डर निकालेर सडक विस्तार र स्तरोन्नतिको काम गरिरहेका छन्। मुस्ताङचोकदेखि राष्ट्र बैंकचोकमा पनि सडक डिभिजनसँग समन्वय नै नगरी काम भैरहेको पोखरेलले बताए।
डिभिजन सडक कार्यालयले पनि चाउथेमा ४ लेनभित्रै पर्ने गरी स्वागत गेट निर्माण गर्दैछ। चाउथे र छोरेपाटनमा सूचना बोर्डसहितको स्वागत गेट बनाउन ३० लाख विनियोजन भएको डिभिजन सडक पोखराले जनाएको छ। कार्यालय प्रमुख पोखरेलले चाहीँ एडीबीसँग सल्लाह गरेरै गेट बनाउन लागेको बताए। ‘सूचना बोर्ड सडकमा नभै नहुने कुरा हो। धेरै पहिले बनाइसक्नुपर्थ्यो,’ उनले भने, ‘आवश्यकताको महसुस गरेर नै बजेट छुट्याइएको हो।’ २ वर्षअघि पनि सडक डिभिजनले बुद्धचोक र अमरसिंह चोक क्षेत्रमा ड्रेन (नाला) बनाएको थियो। त्यतिबेला बनाइएको ड्रेन अहिले सडक विस्तार गर्दा भत्काएर सारिएको छ। बजेट सक्ने नाममा अनावश्यक ठाउँमा पनि निर्माणको काम हुने गरेको कर्मचारीहरु स्वयं बताउँछन्।
Related News
सम्बन्धित समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
लोकतन्त्रका १८ वर्ष : लोकतन्त्रले छोएन लोकलाई
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
कतारी राजा नेपाल आउने दिन भोलि सार्वजनिक बिदा
hero news full width
मुख्य समाचार
कामचलाउ सरकारको आयु लम्बियो
गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१कास्कीका सहकारी पीडित एउटै मोर्चामा, बन्यो संयुक्त संघर्ष समिति
वैशाख ९, २०८१