ताइपेसँगको मैत्रीपूर्ण फुटबलमा नेपालले बराबरी खेल्यो

आदर्श समाज सम्वाददाता
जेठ २४, २०७६
Nepali FootBall Team Vs TPT_Fotor

अन्तराष्ट्रिय मैत्रीपूर्ण खेलमा नेपालले फिफा वरियतामा आफूभन्दा ३६ औं स्थान माथिको चाइनीज ताइपेसँग बराबरी खेलेको छ। विहीवार भएको खेलमा नेपालले चाइनीज ताइपेसँग १–१ गोलको बराबरी खेल्यो।

फिफा वरीयतामा १२५ औं स्थानमा रहेको चाइनिज ताइपेविरुद्ध नेपालले शुरुवाती गोलको अग्रता उल्टाएर बराबरी खेलेको हो। १६१ औं स्थानमा रहेको नेपाल पहिलो हाफमा १–० ले पछि परेपनि दोस्रो हाफमा अभिषेक रिजालको गोलबाट खेलमा फर्किएको थियो।

खेलको ४० औं मिनेटमा उ चुन चिङले गोल गर्दै घरेलु टोलीलाई अग्रता दिलाएका थिए। खेलको ६९ औं मिनेटमा अभिषेकले हेड गोल गर्दै नेपाललाई खेलमा फर्काएका थिए। सन्तोष तामाङको फ्रिकिकमा अनमार्क रहेका अभिषेकले गोल गरेका हुन्। राष्ट्रिय टोलीका लागि यो उनको पहिलो गोल हो।

पहिलो पटक नेपाली टोलीमा परेका अभिषेकले दोस्रो खेलमै गोल गरेका हुन्। अभिषेकले यसै साता मलेसियाविरुद्धको मैत्रीपूर्ण खेलबाट डेब्यु गरेका थिए। उक्त खेलमा नेपाल २–० ले हारेको थियो।

विश्वकप छनोटको तयारीमा रहेको नेपालले विशेष तयारीका लागि मलेसिया र चाइनीज ताइपेसँग मैत्रीपूर्ण खेल खेलेको हो। मुख्य प्रशिक्षक योहान कालिन आएपछि नेपालले चौथो खेलपछि गोल गरेको हो। यस अगाडिका ३ खेलमा नेपालले गोल गर्न सकेको थिएन।

Related News

सम्बन्धित समाचार

  • गण्डकीमा खेलाडी छनोट र बन्द प्रशिक्षण कार्यतालिका सार्वजनिक

    आदर्श समाज सम्वाददाता श्रावण ३१, २०७९
    पोखरा, ३१ साउन । नवौं राष्ट्रिय खेलकुद प्रतियोगिताका लागि प्रदेश खेलकुद परिषद् गण्डकीले छनोट र बन्द प्रशिक्षणका लागि कार्यतालिका सार्वजनिक गरेको…
  • पोखरामा राष्ट्रिय स्नुकर प्रतियोगिता

    आदर्श समाज सम्वाददाता श्रावण ३०, २०७९
    पोखरा । पोखरामा प्रथम राष्ट्रिय खुल्ला स्नुकर प्रतियोगिता–२०७९ हुने भएको छ । देविज स्नुकर क्लब आयोजनामा भदौ १२ देखि १९…
  • क्रिकेटमा सेन्ट्रल क्रिकेट एकेडेमीको जीत

    आदर्श समाज सम्वाददाता श्रावण २८, २०७९
    पोखरा । सेन्ट्रल क्रिकेट एकेडेमीले ३ खेलको एकदिवसीय क्रिकेट श्रृंखला २–० सँगै जितेको छ । श्रृंखलाको अन्तिम खेल शनिबार पोखरा…
  • ‘स्वस्थ नागरिकका लागि खेलमैदान’

    धनबहादुर गुरुङ श्रावण २८, २०७९
    पोखरा । ‘खेलकुद मन्त्रालयको कामले स्वास्थ्य मन्त्रालयलाई घाटा हुन सक्छ किनभने मैले सुगरका बिरामी नहोलाजस्तो देखेको छु ।’ यो अभिव्यक्ति…
  • लोकतान्त्रिक खेलकुदको बधाई

    आदर्श समाज सम्वाददाता श्रावण २४, २०७९
    पोखरा । नेपाल लोकतान्त्रिक खेलकुद संघ कास्की जिल्ला शाखाले संघमा जनप्रतिनिधि तथा विभिन्न संघ संस्थामा निर्वाचित सदस्यलाई सम्मान तथा बधाई…

hero news full width