Worldlink ads

आरोही गोपालको सम्मान

एजेन्सी
जेठ २४, २०७६

विश्वको सवोर्च्च शिखरमा पाइला टेक्न सफल पोखरा निवासी गोपाल श्रेष्ठलाई पोखरा महानगरपालिकाले विहीवार सम्मान गरेको छ। एचआईभी संक्रमित भइकन पनि ५६ वर्षीय श्रेष्ठले हालै सगरमाथाको सफल आरोहण गर्न सफल भएका हुन्।

महानगर प्रमुख मानबहादुर जिसीले श्रेष्ठलाई सम्मानपत्र प्रदान गर्दै सफल आरोहण गरेकोमा बधाई दिए।

साहसका साथ धैर्य भएर लागिपरेमा लक्ष्यमा पुग्ने सकिने सन्देश श्रेष्ठले दिएको जिसीले बताए। ‘श्रेष्ठजी प्रेरणाको स्रोत हुनु भएको छ,’ जिसीले भने, ‘कुनै रोग लाग्यो भन्दैमा हीनताबोध गर्नु हुन्न भन्ने सन्देश उहाँले गरेको सगरमाथा आरोहणले दिएको छ।’ रोग लाग्दैमा कोही व्यक्ति पनि असक्ष वा कमजोर नहुने श्रेष्ठले प्रमाणित गरेको भनाइ जिसीको छ। श्रेष्ठले शिखरमा गत जेठ ८मा महानगरको लोगो समेत फर्फराएका थिए।

आरोही श्रेष्ठले पोखरेलीले गरेको मायाले नै आफूले सगरमाथाको सफल आरोहण गर्न सकेको बताए। ‘एचआइभी संक्रमितलाई समाजमा हेर्ने दृष्टिकोणमा परिर्वतन ल्याउन जरुरी छ’, श्रेष्ठले भने, ‘हामी पनि सवल छौं भन्ने सन्देश दिन सगरमाथा चढेको हुँ, मलाई सहयोग गर्ने सबैप्रति आभारी छु।’ अनेक चुनौतीको सामना गर्दै सगरमाथाको चुचुरोमा पुगेको बताए। उनले आरोहण जाँदा आफूसँगै गएका सहयात्रीलाई गुमाउनु पर्दाको पीडा सुनाउँदा निकै भावुक भएका थिए भने कार्यक्रममा उपस्थितहरुको पनि आँखा रसाएका थिए।

महानगरपालि प्रवक्ता धनबहादुर नेपालीले गोपाल पोखराको शान र गौरव भएको बताए। उनले गोपालको नाम वल्र्ड रेकर्डमा दर्ज हुने बताए।

महानगर प्रमुख जिसीको अध्यक्षतामा भएको कार्यक्रममा महानगरका वडाध्यक्ष, कार्यपालिका सदस्य लगायतको उपस्थिति थियो।

Related News

सम्बन्धित समाचार

    • कोरोनाले लोककवि अलिमियाँ फुटबल प्रतियोगिता स्थगित

      आदर्श समाज सम्वाददाता माघ १, २०७८
      पोखरा । कोरोना महामारीको प्रभावका कारण तेस्रो लोककवि अलिमियाँ स्मृति खुला सेभेन ए साइड फुटबल प्रतियोगिता स्थगित भएको छ। आयोजक…
    • ज्येष्ठ नागरिकको स्वास्थ्य परीक्षण

      आदर्श समाज सम्वाददाता पौष २७, २०७८
      हेमजा । पोखरा हेमजा निवासी ज्येष्ठ नागरिक स्वास्थ्य परीक्षण गरिएको छ । वडास्तरीय ज्येष्ठ नागरिक समितिले विशेष भेलाको आयोजना गरी…
    • प्रहरीद्वारा मास्क वितरण

      आदर्श समाज सम्वाददाता पौष २७, २०७८
      पोखरा । पोखराको तुल्सीघाटस्थित अस्थायी प्रहरी बिटका प्रहरी तथा समाजसेवीको सहयोगमा १ हजार ५ सय मास्क वितरण गरिएको छ ।…
    • महिला उद्यमी संघको साक्षरता

      आदर्श समाज सम्वाददाता पौष २७, २०७८
      पोखरा । महिला उद्यमी संघ नेपाल कास्कीले सातौं साधारण सभा अवसरमा कानुनी एवं बैंकिङ साक्षरता कार्यक्रम गरेको छ । कार्यक्रममा…
    • पेन्सन वितरण कार्यालयमा रक्तदान

      आदर्श समाज सम्वाददाता पौष २७, २०७८
      पोखरा । भारतको ७५ औं स्वतन्त्रता दिवस सन्दर्भमा भारतीय राजदूतावास पेन्सन वितरण कार्यालय, पोखराले सोमबार रक्तदान एवं निशुल्क स्वास्थ्य शिविर…

    hero news full width