Worldlink ads

फेवाताल मापदण्ड निर्देशनमा काँग्रेसको आपत्ति

आदर्श समाज सम्वाददाता
जेठ २४, २०७६
fewa-lake-1

नेपाली काँग्रेस कास्कीले फेवाताल संरक्षणका सम्बन्धमा पोखरा महानगरपालिकाले प्रकाशित गरेको सूचनाप्रति

गम्भीर ध्यानाकर्षण भएको जनाएको छ।

महानगरले गत जेठ ९ मा स्थानीय पत्रपत्रिकामा सूचना जारी गर्दै फेवाताल मापदण्डविपरीतका संरचना हटाउन १५ दिने सूचना जारी गरेको थियो।

फेवाताल संरक्षण र त्यस क्षेत्रको विकासका लागि भन्दै तोकिएको ६५ मिटर मापदण्डभित्र रहेका व्यक्तिको जमिन र त्यसभित्र बनेका संरचनाका सन्दर्भमा क्षतिपूर्तिबिना भत्काउन भनी सूचना जारी हुनुले व्यक्तिको सार्वभौम सम्पत्तिमाथिको अधिकार हनन् भएको महसुस भएको काँग्रेस जिल्ला सभापति कृष्ण केसीद्वारा विहीवार जारी विज्ञप्तिमा उल्लेख छ।

‘सरकारी नियमले कुनै पनि योजना ल्याउँदा व्यक्ति विशेषको जमिन आवश्यक भएमा उक्त जमिनको प्रचलित मूल्यअनुसार क्षतिपूर्तिको व्यवस्थासहित अधिकरण गरी मुआव्जा दिई जमिन राज्यले लिनुपर्ने कानूनी प्रावधान हुँदाहुँदै त्यसको ठाडो उल्लंघन गरी तालको सिमानासमेत नतोकिकन बिनायोजना व्यक्ति विशेषको लालपूर्जाभित्रको जमिन र त्यहाँ बनेको संरचनाको कानूनबमोजिम क्षतिपूर्ति व्यवस्था गरेरमात्र मापदण्ड कार्यान्वयनको योजना अगाडि बढाउन सम्बन्धित पक्षसँग काँग्रेसले माग गर्दछ, विज्ञप्तिमा उल्लेख छ।

Related News

सम्बन्धित समाचार

    hero news full width