तनहुँ , २३ जेठ । तनहुँको बन्दिपुर गाउँपालिकामा वसोवास गर्ने सीमान्तकृत जनजातिका रुपमा हेरिने चेपाङ जातिलाई एक कार्यक्रमका वीच पोशाक, शैक्षिक सामाग्री र वाध्यवादनका सामाग्री प्रदान गरिएको छ। गाउँपालिकाले उनीहरुलाई उक्त सामाग्री प्रदान गरेको हो ।

करिव १ लाख७५ हजार रुपैयाँ पर्ने कपी,कलम,झोला,पोशाकहरु उक्त समुदायहरुलाई प्रदान गरिएको हो । वन्दिपुर गाउँपालिकाका प्रमुख प्रशासकीय अधिकृत शुकदेव लम्सालका अनुसार चेपाङ जातिको शारीरिक ,मानसिक, समविकास र मौलिक भाषा,संस्कृतिको संरक्षण सम्बर्धन र पर्वद्धनका लागि ५० हजार मुल्यवरावरको वाध्यवादन प्रदान गरिएको बताए ।

उक्त अवसरमा जातीय पहिचान झल्किने पोशाकहरु सहयोग गरिएको थियो । गाउँपालिकाको वडा नं १,३,४ मा वसोवास गर्ने ४४ धरधुरीका ७३ जना चेपाङ जातिका वालबालिकालाई उक्त सहयोग सामाग्री प्रदान गरिएको जानकारी बन्दिपुर गाउँपालिकाका अध्यक्ष पूर्णसिहं थापाले जानकारी दिए।