Worldlink ads

जिल्ला कमिटि टुङ्याउन ओली र प्रचण्ड छलफलमा

एजेन्सी
जेठ २१, २०७६
kp-oli-pushpa-kamal-dahal

काठमाडौं, २१ जेठ । जिल्ला कमिटीका इञ्चार्ज र सह–इञ्चार्जहरुको नाम टुंगो लगाउन सोमबार आयोजित नेकपा अध्यक्षद्वयवीचे छलफल भएको छ ।

अध्यक्षद्वय केपी शर्मा ओली र प्रचण्डवीचको छलफलले ७७ जिल्लाका इञ्चार्ज र सह–इञ्चार्जहरुको नाम मोटामोटी टुंगो लगाएको छ । जिल्ला इञ्चार्ज र सह–इञ्चार्ज दुबैमा केन्द्रीय कमिटीका सदस्यहरूको जिम्मेवारी बाँडफाँट हुनेछ ।

दुई अध्यक्षले तयार पारेको सूचीमाथि थप छलफलका लागि मंगलबार बिहान साढे ७ बजे माधव नेपाललाई बालुवाटारमा बोलाइएको स्रोतले बतायो ।

मंगलबार बिहान तीन शीर्ष नेतावीच छलफल हुने र अपरान्ह ३ बजेपछि नेकपाको सचिवालय बैठक बस्ने बताइएको छ । सचिवालय बैठकले ७७ जिल्लाका इञ्चार्ज र सहइञ्चार्जहरुको नाम अनुमोदन गर्ने छ ।

जिल्ला कमिटीका इञ्चार्ज र सह–इञ्चार्जहरुको नाममा अध्यक्षवीच मोटामोटी सहमति जुटे पनि केन्द्रीय विभागहरुका विषयमा भने छलफल बाँकी रहेको बालुवाटार स्रोतले बतायो ।

पछिल्लो समयमा विभाग र जिल्ला इञ्चार्जहरुको टुंगो लगाउनका लागि बोलाइएको सचिवालय बैठक दुईपटक सरिसकेको छ । शनिबार बोलाइएको बैठक सोमबारलाई सारिएको थियो । सोमबारको बैठक मंगलबार अपरान्ह सारिएको छ ।

अध्यक्षद्वय केपी ओली र प्रचण्डवीच आन्तरिक गृहकार्य नसकिएकाले बैठक मंगलबारसम्म सरेको हो । दुई अध्यक्षले आइतबार पनि बालुवाटारमा आपसी छलफल गरेका थिए ।

Related News

सम्बन्धित समाचार

    hero news full width