पाँचौ संस्करणको बेगनास फिस फेस्टिवल १ करोड रुपैयाँको कारोबार गर्दै सोमवार समापन भएको छ।
फेस्टिवल समापन गर्दै पोखरा महानगरपालिकाका प्रमुख मानबहादुर जिसीले बेगनास क्षेत्रलाई माछाको पकेट क्षेत्रका रुपमा विकास गर्नुपर्नेमा जोड दिए। उनले पुरानो लेखनाथमा प्रशस्त जलाशय रहेकाले सो क्षेत्रलाई माछा उत्पादनको केन्द्रका रुपमा विकास गर्नुपर्ने बताए।
उनले कास्की जिल्लालाई मात्र नभई गण्डकी प्रदेशमै माछामा आत्मनिर्भर हुने गरी व्यावसायिक ढंगले अघि बढ्न कृषकलाई आग्रह गरे।
बेगनास तालको मापदण्ड निर्धारण गरी पर्यटन प्रवद्र्धनका गतिविधि संचालन गरेर आर्थिक हिसाबले सुदृढ बनाउने अभियानमा महानगर लागेको उनले उल्लेख गरे। त्यस अवसरमा उनले बेगनास तालको किनारमा फुटट्रयाक निर्माण महानगरले अघि बढाएको समेत बताए।
कार्यक्रममा कास्कीका प्रहरी प्रमुख प्रहरी उपरीक्षक दानबहादुर कार्कीले व्यावसायिक सुरक्षामा कुनै कसर बाँकी नराख्ने प्रतिबद्धता व्यक्त गर्दै घरेलु हिंसा रोक्न परिवारको मुख्य भूमिका रहने बताए। प्रहरी उपरीक्षक कार्कीले आफूले प्रहरी प्रमुखका रुपमा जिम्मेवारी सम्हालेको केही दिनमात्र भएको उल्लेख गर्दै सबै वस्तुस्थिति बुझेर अघि बढ्ने बताए।
कार्यक्रममा कास्कीमा नवआगन्तुक प्रहरी प्रमुख कार्की, बृहत् बेगनास सरसफाइ कार्यक्रमका अभियन्ता रामबहादुर रानाभाट, होटल तथा रेष्टुरेष्ट एशोसिएसन लेखनाथका पूर्व अध्यक्ष किरण खनाल, दुर्गाप्रसाद अधिकारी, पर्यटन व्यवसायी दामोदरभक्त थापा र हस्पिटालिटी कन्टेस्ट २०१९ अनिक अधिकारीलाई समेत दोसल्ला ओढाएर सम्मान गरिएको थियो।
होटल तथा रेष्टुरेण्ट एशोसिएसन लेखनाथका अध्यक्ष एवं मूल आयोजक समिति संयोजक कृष्णप्रसाद तिमिल्सिनाको अध्यक्षतामा भएको कार्यक्रममा इलाका प्रशासन कार्यालय खुँदीका प्रमुख चित्रागंत बराल, नेपाली काँग्रेसका प्रतिनिधि धु्रव अधिकारी, नेकपाका प्रतिनिधि बिन्दु परियार, पशु सेवा कार्यालय गण्डकीका प्रतिनिधि ठगेन्द्रप्रसाद अर्याल, मत्स्य व्यवसाय समिति कास्की अध्यक्ष दयाराम तिवारी, बेगनास युवा क्लब अध्यक्ष रामबहादुर रानाभाट, बेगनासताल महिला समूह अध्यक्ष दुर्गा अधिकारी लगायतले मन्तव्य व्यक्त गरेका थिए।
फेस्टिवलमा १२ हजार किलो माछा बिक्री भएको प्रचार समिति संयोजक दामोदरभक्त थापाले जानकारी दिए। उनले प्रतिकूल मौसम बाबजुद फेस्टिवल सफल भएको बताउँदै आगामी वर्ष क्यालेण्डरमै समावेश गरी अनुकूल मौसममा फेस्टिवल आयोजना गरिने उल्लेख गरे।
Related News
सम्बन्धित समाचार
गरिमा विकास बैंकको प्रमुख कार्यकारी अधिकृतमा माधवप्रसाद उपाध्याय
फेदीखोलाको सर्केटारीमा प्रथम आलु प्रदर्शनी
सर्वेश्वरका पसल शनिबार पनि खुल्ने
इन्फोम्याक्स कलेजमा वित्तीय साक्षरता
नौपचारिक क्षेत्रका श्रमिकलाई वित्तीय साक्षरता
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०