सरकारी अस्पताललाई पर्याप्त बजेट : मन्त्री पुन

आदर्श समाज सम्वाददाता
जेठ २१, २०७६
mantri pun_Fotor

गण्डकी प्रदेश सामाजिक विकास मन्त्री नरदेवी पुन मगरले गण्डकी प्रदेशका सबै सरकारी अस्पताललाई आवश्यक पर्ने रकम प्रदेश सरकारले बिनियोजन गर्ने बताइन।

जिल्ला अस्पताल स्याङ्जाको १९ औं बार्षिकोत्सवको अवसरमा आइतवार बोल्दै मन्त्री पुनले प्रदेशका ११ वटै जिल्लाका मेडिकल सुपरिेटेन्डेन्टलाई बोलाएर गरिएको छलफलबाट अस्पतालका लागि ८१ करोड बजेट आवश्यक पर्ने बताइन्। सो रकम छुट्टाउनका लागि आफनो पहल रहनेमा जोड दिइन। उनले भनिन् ‘ प्रदेशका सबै अस्पताल राम्रो बनाउने र स्याङ्जा बासीलाई पोखरा धाउन नपनेर्गरी आवश्यक सेवा सुबिधा उपलब्ध गराउनेछौं। ’

पन्ध्र शैयाको जिल्ला अस्पताललाई ५० शैया बनाउनुपर्ने अस्पताल परिवारको मागलाई मन्त्री पुनले जनशक्ति र आवश्यकता अनुरुपको भौतिक संरचना लगायतका बारेमा बृहत छलफल गरेर निर्णय लिईने जानकारी दिईन। अस्पतालका लागि आवश्यक पर्ने एम्बुलेन्स, खानेपानी सुबिधा, सेवा सुबिधाका बारेमा प्रदेश सरकारले थप सहयोग गर्ने प्रतिवद्धता जनाइन्। भाषण र शासन फरक भएको बताउदै मन्त्री पुनले स्वास्थ्य उपचार गराउदा सेवाग्राहीले उपचारको महसुस गनेर्गरी सेवा सुबिधा उपलब्ध गराउन चिकित्सक र सरोकारवालाई आग्रह गरिन्।

कार्यक्रममा गण्डकी प्रदेश बिधायन समितिका सभापति मोहन रेग्मी, प्रदेश सदस्यद्धय दीपक थापा र मीनप्रसाद गुरुङ, प्रदेश स्वास्थ्य निदेर्शक खिमबहादुर खड्का, जिल्ला समन्वय समितिका प्रमुख सीता सुन्दास, पुतलीबजार नगर प्रमुख सीमा क्षेत्री, पूर्व अध्यक्ष दिर्घनारायण शर्मा, डा. अमृत पोखरेल लगायतले २०५७ सालमा स्थापित अस्पतालको स्तरोन्नतिगरी समय सापेक्ष दरबन्दी र आधुनिक उपकरण अनुरुप संचालन गर्न प्रदेश सरकारको सहयोग आवश्यक पर्नेमा जोड दिएका थिए। यसैगरी, अस्पतालले आइतवारदेखि आँखा उपचारको सेवा समेत सुरु गरेको छ। यसअघि बालरोग, स्त्री तथा पसुुती रोग र दन्त रोगको बिशेषज्ञ सेवा उपलब्ध गराउदै आएको अस्पतालले आजदेखि आँखा उपचार केन्द्र संचालन सुरु गर्ने भएको हो।

अस्पताल ब्यवस्थापन समितिका अध्यक्ष लोकराज शर्माको अध्यक्षतामा सम्पन्न कार्यक्रममा डा. बिनिता शर्माले स्वागत एवं डा निरज पौडेलले संचालन गरेका थिए।

Related News

सम्बन्धित समाचार

  • तमु कलाकार संघ गण्डकीमा सुरेन्द्र

    आदर्श समाज सम्वाददाता भाद्र २, २०७९
    पोखरा, २ भदौ । तमु (गुरुङ) कलाकार संघ नेपाल गण्डकी प्रदेशको तेस्रो अधिवेशनबाट सुरेन्द्र गुरुङको अध्यक्षतामा २७ सदस्यीय कार्यसमिति सर्वसम्मत…
  • ठाडोभाका लोककला प्रतिष्ठानमा नवराज पहाडी

    आदर्श समाज सम्वाददाता भाद्र १, २०७९
    लमजुङ, १ भदौ । ठाडोभाका लोककला प्रतिष्ठान नेपालको तेस्रो अधिवेशनले नवराज पहाडीको अध्यक्षतामा नयाँ कार्यसमिति सर्वसम्मत चयन गरेको छ ।…
  • सामुदायिक सेवाको भूमिका प्रशंसनीय : मन्त्री थापा

    आदर्श समाज सम्वाददाता भाद्र १, २०७९
    पोखरा । गण्डकीका कानुन, संचार तथा प्रदेशसभा मामिला मन्त्री बिन्दुकुमार थापाले समाजमा भएका विकृति, विसंगति न्युनीकरणमा सामुदायिक सेवा केन्द्रले खेलेको…
  • लक्ष्य बढी मुद्दा फछ्र्यौट

    आदर्श समाज सम्वाददाता भाद्र १, २०७९
    वालिङ । स्याङ्जा जिल्ला अदालतले लक्ष्यभन्दा धेरै मुद्दा फछ्र्यौट गरेको छ । अदालतले गत आर्थिक वर्ष २०७८/०७९ का लागि ७…
  • गोरखा भूकम्पको ७ वर्ष : पीडित राख्ने भवन भएन पूरा

    आदर्श समाज सम्वाददाता श्रावण ३१, २०७९
    पोखरा । २०७२ को विनासकारी गोरखा भूकम्पका कारण घर भत्किएका पीडितलाई राख्न सरकारले पालुङटारमा साढे १५ करोड लागतमा १ सय…

hero news full width