Worldlink ads

रवीन्द्र स्मृति प्रतिष्ठान घोषणा तयारी पूरा

आदर्श समाज सम्वाददाता
जेठ १७, २०७६
rabindra-adhikari

रवीन्द्र अधिकारी स्मृति प्रतिष्ठानको औपचारिक घोषणा जेठ १८ गते हुने भएको छ। प्रधानमन्त्री केपी शर्मा ओलीको प्रमुख आतिथ्यमा पोखरा सभागृहमा सो घोषणा हुने विहीवार पत्रकार सम्मेलनमा जानकारी दिइयो।

पत्रकार सम्मेलनमा बोल्दै प्रतिष्ठानका तदर्थ समिति अध्यक्ष रवीन्द्र अधिकारी पत्नी विद्या भट्टराईले स्वर्गीय अधिकारीले राष्ट्रलाई पुर्याएको योगदानको कदर गर्दै योगदान चिरस्थायी बनाउन स्मृति प्रतिष्ठान स्थापना गर्न लागिएको बताइन्।

राज्यका लागि अनुसन्धानात्मक काममा सहयोगको लागि प्रतिष्ठान सधै लागिरहने भट्टराईले प्रतिबद्धता जनाइन्। मानव स्रोत संशाधनको विकास गरी सीप तथा अनुसन्धानमूलक काम गर्न प्रतिष्ठान लागिरहने उनले जानकारी दिइन्।

प्रतिष्ठान गैरनाफामूलक संस्था रहेको र यसमा ३ किसिमका सदस्यता रहने प्रतिष्ठानका महासचिव धनराज आचार्यले जानकारी दिए। साधारण सदस्यको लागि ५ सय रुपैयाँ, आजीवन सदस्यको लागि ५ हजार रुपैयाँ रहनेछ।

जसमा ३ हजार ५ सय रुपैयाँ स्वेच्छिक रहनेछ। विशिष्ट सदस्यको लागि १ लाख रुपैयाँ शुल्क लाग्ने आचार्यले बताए। प्रतिष्ठानका उपाध्यक्ष तथा गण्डकी प्रदेशका सांसद कृष्ण थापाले अन्य प्रतिष्ठानभन्दा रवीन्द्र अधिकारी स्मृति प्रतिष्ठान फरक हुने दाबी गरे।

Related News

सम्बन्धित समाचार

    hero news full width