Worldlink ads

अनुपम अवार्ड घोषणा

एजेन्सी
जेठ १७, २०७६
anupam

अनुपम म्यूजिकले नेपाली लोकगीतको उत्थानमा महत्वपूर्ण योगदान गरेकोमा लोकगायक पुरुषोत्तम न्यौपानेलाई अनुपम म्यूजिक अवार्ड–०७६ प्रदान गर्ने भएको छ। न्यौपानेको स्वरमा १ हजारभन्दा बढी गीत रेकर्ड भएका छन्।

यस्तै यस वर्षको तीर्थहरि समाजसेवा अवार्ड समाजसेवी विश्वमोहन गौचनलाई प्रदान गरिने भएको छ। एड्स रोग नियन्त्रण संघ, कास्कीलगायत दर्जनौँ सामाजिक संस्थामा रहेर समाजसेवाका क्षेत्रमा गौचनले पुर्याएका योगदानको कदर गर्दै नगदसहितको अवार्ड प्रदान गरिने बताइएको छ।

यसैगरी, अनुपम सङ्गीत सम्मान गीतकार सुमन श्रापित र सङ्गीतकार डेनी निरौलालाई प्रदान गरिने भएको छ। पोखरामा रहेर २ दशकदेखि गीत लेखनमा लागेका श्रापितका १ सय ५० भन्दा बढी गीत रेकर्ड भएका छन् भने आधा दर्जन एल्बम र ‘भावनाको खेती’ नामक गीत सङ्ग्रह प्रकाशित छन्।

निरौलाका सङ्गीतमा ३ सयभन्दा बढी गीत रेकर्ड भएका छन्। अवार्ड तथा सम्मानहरु पत्रकार तथा लेखक बद्रिविनोद प्रतीकको संयोजकत्वमा समाजसेवी वीरेन्द्र पालिखे, गायक/सङ्गीतकार रामभक्त जोजिजू, गीतकार रेशम रचक, प्रबन्ध निर्देशक अनुराग अधिकारी र सचिव रुपिन्द्र प्रभावी सदस्य रहेको प्रतिभा छनोट समितिको सिफारिसमा प्रदान गरिने भएको हो।

सबै अवार्ड तथा सम्मान जेठ २५ गते पोखरा उद्योग वाणिज्य सङ्घको हलमा हुने छैटौँ अनुपम साङ्गीतिक साँझका अवसरमा प्रदान गरिने आयोजक मूल समिति संयोजक अनुराग अधिकारीले बताए। सो कार्यक्रममा दार्जिलिङ, काठमाडौँ र पोखराका कलाकारको साङ्गीतिक प्रस्तुति रहने उनले जानकारी दिए।

Related News

सम्बन्धित समाचार

    • दीपक समीपकाे मुक्तक संग्रह ‘अक्षर अक्षरमा देश’ लोकार्पण

      आदर्श समाज सम्वाददाता माघ २, २०७८
      पोखरा । साहित्यकार दीपक समीपको मुक्तक सञ्चयन ‘अक्षर अक्षरमा देश’ शनिबार लोकार्पण गरिएको छ । पोखरेली युवा सांस्कृतिक परिवारको आयोजनामा…
    • गण्डकीका लोकसंस्कृति अनुसन्धान पहल

      आदर्श समाज सम्वाददाता पौष ३०, २०७८
      पोखरा । गण्डकी प्रज्ञा प्रतिष्ठानले प्रदेशभित्रका विभिन्न १५ समुदायका लोकनृत्य र लोकबाजाबारे खोज–अनुसन्धान कार्य अगाडि बढाएको छ । प्रतिष्ठानले थकाली, थारु,…
    • लेखनाथ जन्मस्थलमा सम्मानै सम्मान

      आदर्श समाज सम्वाददाता पौष १५, २०७८
      पोखरा । कविशिरोमणि लेखनाथ पौडेलको जन्मजयन्ती उनकै जन्मस्थल अर्घाै अर्चलेमा विशेष समारोह गरी बिहीबार मनाइएको छ । समारोहमा कवि शिरोमणि…
    • एलबीका कवितामा रमे कविता पारखी

      आदर्श समाज सम्वाददाता पौष ११, २०७८
      पुस । कविताप्रेमी स्रष्टा अग्रज साहित्यकार एलबी क्षेत्रीका कवितावाचनमा कविता पारखी रमेका छन् । पुसको चिसो मौसममा पनि क्षेत्रीले मानवतावाद,…
    • समता काव्य सन्ध्याको ३४३ औं शृंखला

      आदर्श समाज सम्वाददाता पौष ५, २०७८
      पोखरा । कविताको अघोषित पाठशालाका रूपमा परिचित पोखरेली युवा सांस्कृतिक परिवारले सञ्चालन गर्दै आएको समता काव्य सन्ध्याको ३ सय ४३…

    hero news full width