Worldlink ads

समुदाय–प्रहरी साझेदारी कार्यक्रम अन्र्तगत बजार सरसफाई

आदर्श समाज सम्वाददाता
जेठ १०, २०७६
1.Clean News, Aryabh.. (1)

पाल्पा, १० जेठ । समुदाय–प्रहरी साझेदारी कार्यक्रम अन्तर्गगत बगनासकाली–३ मा रहेको आर्यभञ्ज्याङ्ग बजार सेरोफेरोका सरसफाई गरिएको छ ।

वडा कार्यालय, बजार व्यवस्थापन समिति र प्रहरीको साझेदारीमा शनिबार बजार सरसफाई गरिएको आर्यभञ्ज्याङ्ग बजार व्यवस्थापन समितिका अध्यक्ष रामप्रसाद श्रेष्ठले बताए । बजार व्यवस्थापन समिति गठन भएपछि बजार सरसफाई कार्यक्रम अगाडि बढाइएको जनाए । बजार व्यवस्थापन समितिले बजारमा मूल्य निर्धारण, पसलमा मूल्य सूची राख्ने कार्य गरेको बताए ।

वडा नं. ३ का अध्यक्ष टिकाबहादुर थापाले फोहोर व्यवस्थापनको लागि डम्पिङ्ग साइड निर्माण भैरहेको बताए । उनले सरसफाई कार्यक्रमलाई प्रत्येक शनिबार नियमित सञ्चालन गर्ने प्रत्यत्न गरेपनि मासिक रूपमा सञ्चालन गरिएको जनाए । उनले यसै आर्थिक वर्षभित्र वडा कार्यालयको सहयोगमा फोहोर व्यवस्थापको कार्यक्रमलाई थप व्यवस्थित गरिने बताए ।

प्रहरी निरिक्षक उषा ढुङ्गानाले बजार व्यवस्थापन समिति र वडा कार्यालयको सहयोग मिलेको बताइन । ‘हामीले बजार व्यवस्थापन समितिका अध्यक्ष र वडा अध्यक्षज्यूलाई खबर गरेपछि उहाँहरूले व्यवस्थापनमा सहयोग गर्नुहुन्छ ।’ उनले बजारमा खानेपानीको अभावका कारणले सरसफाइको कमी देखिएकोले सरसफाईलाई बढाउनुपर्ने जनाइन । स्थानीयको सहयोगले शान्ति सुरक्षा र सरसफाई व्यवस्थापनमा सहज हुनेमा ढुङ्गानाले जोड दिइन ।

जिल्ला प्रहरी कार्यालय पाल्पाले प्रत्येक प्रहरी चौकी रहेका बजार सेरोफेरोमा सरसफाई गर्ने शनिबारको कार्यक्रम अन्तर्गत बजार सरसफाई कार्यक्रमलाई अगाडि बढाइएको वडा अध्यक्ष थापाले जानकारी दिए ।

Related News

सम्बन्धित समाचार

    hero news full width