बागलुङ, १० जेठ । राधाकृष्ण मन्दिर सेवा समिति बागलुङका अध्यक्ष स्वर्गीय डम्बरबहादुर श्रेष्ठको स्मृतिमा स्थापना भएको पुरस्कार संस्कृतिविद् जगमान गुरुङलाइृ प्रदान गरिने भउको छ ।

डम्बर स्मृति पुरस्कार कोषले शुक्रवार पत्रकार भेटघाटगरी कास्कीको मादी गाउँपालिका याङ्जाकोटमा जन्मिएका संस्कृतिबिद डा. जगमान गुरूङलाई ७५ हजार राशिको पहिलो पुरस्कार प्रदान गर्ने निर्णय गरेको राधाकृष्ण मन्दिर सेवा समितिका अध्यक्ष रमेशकुमार राजभण्डारीले बताए ।

डम्बर संस्कृति राष्ट्रिय पुरस्कार स्थापना गर्न श्रेष्ठ परिवारले ७ लाख र राधाकृष्ण मन्दिर सेवा समितिले ५ लाख गरी १२ लाख रुपैयाँको अक्षयकोष स्थापना गरेको अध्यक्ष राजभण्डारीले बताए ।

कोषले जेठ १८ गते शनिबार कार्यक्रम गरेर पुरस्कार समर्पण गर्ने उक्त कार्यक्रममा सर्वोच्च अदालतका पुर्व प्रधान न्यायाधीश कल्याण श्रेष्ठ र १००८ स्वामी ज्ञानानन्द सरस्वती महाराजको उपस्थितिमा प्रदान गरिने बताइएको छ ।

बि,स १९९३ सालमा स्थानीय समाजसेवी स्व ,नन्दकुमार श्रेष्ठले स्थापना गरेको राधाकृष्ण मन्दिर सेवा समितिले समाजमा उल्लेखनीय योगदान र्पुयाउने लाई ३ वटा विभिन्न पुरस्कार गठन गरेको छ